Varane konfirmon interesimin e Man Unitedit

Mbrojtësi i Real Madrid, Raphael Varane pranoi se Manchester Unitedi ishte i interesuar në shërbimet e tij.

Reprezentuesi i Francës arriti në Santiago Bernabeu në vitin 2011, kur Mourinho ishte ende në krye të gjigantëve të La Ligas.

Varane është lidhur me një kalim të mundshëm në United dhe 24-vjeçari konfirmoi se kishte pasur interes nga klubi i Ligës Premier.

Lexo po ashtu Man United përgatit 60 milionë euro për Varanen

I pyetur në El Larguero nëse ai ishte thirrur nga Mourinho për të shkuar në United, Varane tha: “Jo, jo drejtpërdrejt”.

“Kishte kontakte, por jo direkt”, shtoi mbrojtësi francez.

Mbrojtësi 24-vjeçar është një lojtar që i pëlqen shumë Mourinhos dhe portugezi do të bëjë çmos për ta transferuar gjatë verës.

Lexo po ashtu Është vetëm 24 vjeç, por ka fituar 14 trofe

Para disa ditëve u raportua se Djajtë e Kuq janë gati të ofrojnë 60 milionë euro për t’i siguruar shërbimet e Varanes.

Transferimi në Old Trafford nuk është se nuk i pëlqen edhe Varanes, pasi francezi kishte vetëm lavdërime për yllin e Unitedit, Romelu Lukaku, të cilin e cilësi si njërin nga kundërshtarët më të vështirë. /Telegrafi/