Real Madridi ishte gati të paguante 250 milionë euro për Lionel Messin, dalin detajet e takimit të argjentinasit me Florentino Perezin

Ka dalë në dritë lajmi ku Real Madrid ishte i gatshëm ta paguante klauzolën e Leo Messit në qershor të vitit 2013, pak muaj para se të nënshkruante me Gareth Bale.

Agjenti i argjentinasit e kishte informuar babanë e lojtarit, Jorge Messin, për interesimin, se ata do ta thyenin rekordin botëror për transferimin.

Spiegel anëtar i rrjetit EIC në të cilën bën pjesë edhe EL MUNDO, raporton se oferta vlente 250 milionë euro.

Mësohet se paga për Messin e ofruar ka qernë 23 milionë euro dhe një milion euro për babanë e tij.

Real Madridi e ka mohuar lajmin se është bërë një ofertë e tillë.

“Ky informacion nuk e konfirmon realitetin, është totalisht i pavërtetë”, kanë thënë nga klubi.

Lajmi konfirmon edhe detaje të tjera për planin se si klubi ka kërkuar të nënshkruajë me Messin.

Takimi është bërë brenda një aeroplani privat, në prezencën e Leo Messit; avokatit të tij Inigo Juarez; Florentino Perezit; drejtorit sportiv, Miguel Pardeza; dhe avokatit të klubit të Real Madrid.

Spiegel gjithashtu thekson se Juarez i tha Jorge Messit se Real Madridi ka premtuar se do ta mbrojë me çdo kusht lojtarin nëse ekspozohet më pas për mashtrim tatimor. /Telegrafi/