Studentja 21-vjeçe përdhunohet dhe theret për vdekje, policia i vihet pas sulmuesve – pamjet e aksionit publikohen në internet (Foto/Video)

Një studente 21-vjeçe nga Afrika e Jugut është përdhunuar, therur me thikë dhe ngufatur, ka bërë të ditur policia e këtij vendi.

Hannah Cornelius është vrarë në Stellenbosch në Afrikë të Jugut, pasi që ajo dhe miku i saj Cheslin Marsh i cili i mbijetoi sulmit, ishin rrëmbyer nga katër burra gjatë të premtes mbrëma, transmeton Telegrafi.

Policia u kishte rënë në gjurmë dy prej katër të dyshuarve që kanë marrë pjesë në rrëmbim dhe vrasjen e vajzës, të cilët janë arrestuar. Tani, ata po akuzohen për përdhunim dhe vrasje.

Cornelius dhe March ishin duke biseduar brenda veturës Volksëagen të cilin ua kishte huazuar gjyshja e Cornelius, kur u rrëmbyen nga katër burrat të panjohur.

Marsh ishte futur në bagazhin e veturës, derisa Cornelius në karriget e pasme, thuhet në një raport të policisë.

Dyshes i janë vjedhur stolitë dhe paratë që i kishin në xhepa, dhe më pas janë dërguar në një lokacion të panjohur ku janë rrahur me tulla.

Marsh u ka thënë policëve se ka arritur t’i mbijetoi rrëmbimit, pasi ka kërcyer nga vetura, kurse trupi i Cornelius është gjetur të shtunën rreth orës 8:30 në një rrugë rreth 10 kilometra larg Stellenbosch-it.

Sipas raportit të autopsisë, ajo ishte therur disa herë me thikë dhe më pas ishte ngufatur për vdekje. Por, gjithashtu thuhej se ajo ishte përdhunuar.

Në  videon e publikuar më poshtë shfaqet momenti kur policia i vihet pas dy prej katër personave të përfshirë në krim. /Telegrafi/