Xhaferi: Presim që Ivanov ta plotësojë detyrimin e tij kushtetues

Kryetari i Kuvendit të RM-së, Talat Xhaferi, është takuar me ambasadorin slloven në vend, Milan Jazbec, përcjell Telegrafi Maqedoni.

Xhaferi, ka shprehur falenderime për urimin, ka theksuar se marrëdhëniet dypalëshe do të vazhdojnë në linjë të epërme edhe atë në të gjitha fushat, njofton AIM.

‘Duke u përqendruar në ngjarjet e 27 prillit dhe situatën aktuale, kryetari i Kuvendit, Talat Xhaferi theksoi se ai personalisht do të angazhohet për kthimin e integritetit institucional të Kuvendit dhe në përforim të besimit të këtij institucioni. Ai pret që presidenti i shtetit ta plotësojë detyrimin e tij kushtetues dhe t’ia japë mandatin bartësit të shumicës parlamentare, me çka do të hapen proceset për konstituimin e trupave kuvendore, ndërsa me këtë edhe formimin e qeverisë së re. Pas kësaj, prioritet do të jenë ndryshimet e Kodit zgjedhor dhe vazhdimi i mandatit të pushtetit aktual lokal, deri në vjeshtë, kur, shpreson se do të mbahen zgjedhjet lokale’, citohet në kumtesë, njofton AIM. /Telegrafi/