Çerdhet dhe kopshtet private janë alternativa më e mirë për të zgjidhur problemin e mungesave të këtyre institucioneve parashkollore në vendbanimet shqiptare, shkruan gazeta KOHA.
Kështu pohojnë nga një pjesë e komunave, të cilët e shohin sipërmarrjen private si formën e vetme për të zgjidhur një mënyrë permanente këtë problem. Listat e pritjes të fëmijëve në shumë qytete dhe komuna janë të gjata, ndërkohë që projektet për ndërtimin apo restaurimin e objekteve ekzistuese zvarriten prej vitesh. Po t’i referohesh statistikave më të fundit zyrtare, numri i përgjithshëm i çerdheve dhe kopshteve apo edhe i objekteve shtesë është në rritje, por jo për pjesën shqiptare. Që numri i këtyre institucioneve është i vogël, shihet edhe nga numri i fëmijëve që janë të regjistruar në gjuhën shqipe, mbi 2 mijë të tillë, që përbëjnë 10 për qind të numrit të përgjithshëm të fëmijëve.
Vitin e kaluar numri i çerdheve dhe kopshteve arriti në 64, tre prej të cilave private, nga 60 që numëroheshin një vit më parë. Premisat që trendi i ndërtimeve të vazhdojë këtë vit janë të vogla, pasi në buxhetin e vitit 2017 janë parashikuar pak më shumë se një milion euro në për ndërtimin, pajisjen dhe mirëmbajtjen e kopshteve. Kjo është arsyeja që shumë komuna janë në kërkim të granteve të huaja, apo edhe të investimeve private në këtë sektor.
Në Komunën e Sarajit, që numëron mbi 40 mijë banorë, prej dy vjetësh ka filluar të funksionojë çerdhja e parë me kapacitet prej 60 fëmijësh. Edhe pse plotëson një pjesë vogël të nevojave të banorëve, kapacitetet e saj janë të pamjaftueshme për të përballuar kërkesat vitet e ardhshme.
“Mezi arritëm që të vinim në funksion këtë projekt që u prolongua prej disa vitesh. Por, është shumë pak për këtë zonë. Dhe në pamundësi për të përfituar financa nga institucionet qendrore, ne i jemi drejtuar granteve të USAID-it për të rikonstruktuar objektin e ish Komunës së Kondovës dhe ta kthejmë në një çerdhe të re. Por, duke i parë rrethanat, zgjidhja më e mirë për komunën tonë janë çerdhet private. Ka shumë investitorë të interesuar dhe do t’i mbështesim për të rregulluar këtë situatë”, thotë për KOHA, kreu i Komunës së Sarajit, Bekim Murati.
Projekte të pezulluara për ndërtimin e çerdheve ka edhe në komuna të tjera shqiptare. Tetova, Tearca, Struga e të tjera, kanë probleme jo vetëm me numrin e vogël të tyre, por edhe me vetë objektet ekzistuese që janë të amortizuara dhe prej vitesh nuk është bërë asnjë ndërhyrje.
Në Strugë gjendja është më alarmante. Listat e pritjes në çdo fillim viti shkollor numërojnë mbi 150 fëmijë, ndërsa kapaciteti i dy çerdheve ekzistuese është vetëm për 500 fëmijë. Një situatë e ngjashme është edhe në Tetovë, ku në pamundësi për të hapur çerdhe të reja, ështëë gjetur zgjidhja te hapja e qendrave të zhvillimit të hershëm në disa zona, si Shipkovicë, Sellcë, Reçicë e Falishtë, në bashkëpunim me fondet nga UNICEF. Në këtë qytet nuk mungojnë as kopshtet private.
Por, ka edhe komuna të tilla, si ajo e Likovës, ku edhe pse për hapjen e çerdhes është insistuar prej disa vitesh, numri i fëmijëve që e frekuentojnë është i vogël. Nga komuna nuk japin shpjegime nëse bëhet fjalë për kushtet apo për vendndodhjen e objektit në fshatin Orizarë. Projekt i filluar që në vitin 2010, u zvarrit gjatë dhe për t’u vënë në funksionon u deshën disa vjet.
“Kapaciteti është për 60 fëmijë, por për momentin kemi të regjistruar vetëm 22. Kjo edhe i plotëson nevojat dhe nuk planifikojmë të hapim ndonjë objekt të ri apo shtesë”, thotë për KOHA kryetari i Komunës së Likovës, Sadulla Duraku.
Në total numri i fëmijëve që frekuentojnë çerdhet në të gjithë vendin është mbi 33 mijë fëmijë, ndërsa numri i edukatoreve, kujdestareve dhe personelit në total është rreth 4.400 persona.
Lufta Prigozhin - Putin
Më shumëNga Rubrika
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
A po e kushtëzon Sllovenia Kosovën me Asociacion për t’u bërë pjesë e Këshillit të Evropës – flet presidentja Pirc Musar
Një shtetas nga Serbia është mashtruar në Shkup, i kanë marrë 300 euro për një aksident të rremë
Çfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë