UEFA publikon listën e lojtarëve që shpërthyen në Euro 2016, në mesin e tyre edhe një shqiptar

Faqja zyrtare e UEFA-s ka përfshirë mbrojtësin shqiptar, Arlind Ajeti, në listën e lojtarëve që kanë shpërthyer në Euro 2016.

“Kampionatet Evropiane mund të jenë nisje të karrierës dhe UEFA Euro 2016 nuk ishte më ndryshe – Kemi zgjedhur tetë futbollistët jeta e të cilëve ndoshta nuk do të jetë më e njëjtë”, thuhet në përshkrimin e UEFA-s.

Ajeti zhvilloi dy ndeshje për kuqezinjtë në Euro 2016 dhe me performancat që pati bindi ekipin e Torinos për ta transferuar duke nënshkruar kontratë tre vjeçare, pas largimit nga Frosinone në fund të sezonit, transmeton Koha.net.

“Para Euro 2016: U largua nga Serie A me Frosinonen.
Një kampanjë dramatike për mbrojtësin, që shikoi ndeshjen hapëse ndaj Zvicrës nga banka rezervë, që më pas pësoi një tronditje ndaj Francës pas një performance impresive. Ai u zgjodh lojtari i ndeshjes me në fitoren historike ndaj Rumanisë dhe më pas iu bashkua Torinos”, thuhet në përshkrimin që i bëri UEFA Ajetit.

Në listën e UEFA-s përpos Ajetit janë edhe:

• Raphaël Guerreiro (Portugali)

• Hal Robson-Kanu (Uells)

• Nolito (Spanjë)

• Michael McGovern (Irlanda Veriore)

• Hannes Halldórsson (Islandë)

• Michał Pazdan (Polonia)

• Thomas Meunier (Belgjika)