LAJMI I FUNDIT:

​13 të vdekur nga stuhia e borës në Evropë

​13 të vdekur nga stuhia e borës në Evropë

Të paktën 13 persona kanë humbur jetën në incidente të shkaktuara nga stuhia e borës që goditi Evropën nga fundjava e kaluar.

Shumica e viktimave, raportohet se kanë humbur jetën nga ortekët.


Në Norvegji, kërkimi për katër skiatorë u pezullua për shkak të borës së madhe dhe shikimit të dobët, por konsiderohet se një suedeze (29 vjeçare) dhe tre finlandezë (29, 32 dhe 36 vjeçar), mund të kenë vdekur nga një ortek që goditi luginën pranë qytetit të Tromsoes.

Mediat raportojnë se disa njerëz kanë humbur jetën nga ortekët në Zvicër, Austri dhe Gjermani.

Në Rumani është gjetur trupi i ngrirë i një mashkulli (67 vjeçar), i cili ishte në një parking në qytetin Slatina në jug të vendit, ku raportohet se aty temperaturat arrijnë deri në -24 gradë Celsius.

Në Austri, qindra banorë janë bllokuar në shtëpi dhe po ashtu rrugët janë të bllokuara, ndërsa në disa pjesë nuk ka energji elektrike. Po ashtu, në disa pjesë të atij vendi është ndërpre mësimi në shkolla.

Të hënën në mbrëmje, 11 alpinistë gjermanë u shpëtuan në një mal pranë Salzburgut, ku ata kishin mbetur pa ushqim dhe pa energji elektrike që nga e premtja.

Aeroporti i Shiphol në Amsterdam njoftoi shtyrjen dhe anulimin e fluturimeve, dhe “KLM” holandeze anuloi deri në 159 fluturime anembanë Evropës. Shumë fluturime u anuluan edhe në Sllovaki.

Stuhitë e forta të dëborës dhe erërat e forta u regjistruan edhe në Skandinavinë qendrore, ku shumë pjesë të rajonit mbetën pa energji elektrike.

Në Greqi, në rajonin e Athinës dhe në zonat e afërta, shkollat u mbyllën për shkak të borës, ndërsa disa rrugë malore janë të mbyllura. Për shkak të kushteve në qendrat e pritjes në Greqi, shumë emigrantë protestuan, ndërsa raportohet se në disa pjesë të vendit temperatura ka rënë në -20 gradë Celsius.

Dëbora ka pasur gjithashtu edhe në disa ishuj grekë. /kp/Telegrafi/

Në trend Botë

Më shumë
Demografia evropiane - cili shtet ka natalitetin më të lartë dhe ku qëndron Kosova?

Demografia evropiane - cili shtet ka natalitetin më të lartë dhe ku qëndron Kosova?

Evropa
Vetëm dy vende do të mbijetonin pas apokalipsit bërthamor - çka do t'i shpëtonte këto shtete

Vetëm dy vende do të mbijetonin pas apokalipsit bërthamor - çka do t'i shpëtonte këto shtete

Botë
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe

“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe

Serbia
Hungaria vendos veto ndaj rezolutës së KiE - nuk mbështetet formula e paqes e Ukrainës

Hungaria vendos veto ndaj rezolutës së KiE - nuk mbështetet formula e paqes e Ukrainës

Evropa
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë

Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë

Amerika
Izraeli kryen sulm ajror në Bregun Perëndimor, të paktën një i vdekur

Izraeli kryen sulm ajror në Bregun Perëndimor, të paktën një i vdekur

Azia
Kalo në kategori