Kjo është pasuria e Agim Veliut

Kryetari i komunës së Podujevës dhe nënkryetari i LDK-së Agim Veliu në deklarimin e pasurisë nuk ka treguar sa është vlera e shtëpisë, e banesës, truallit dhe e tokës së trashëguar.

Veliu në deklarimin e pasurisë ka treguar se ka  73 arë tokë të trashëguar, por vlerën e saj e ka llogaritur me zero.

Njëjtë ka vepruar edhe me shtëpinë për të cilën ka deklaruar se e ka që nga viti 1990, por që nuk ka treguar sa është sipërfaqja e saj si dhe vlerën po ashtu zero.

Nënkryetari i LDK-së ka deklaruar se e ka blerë një banesë në vitin 2008, por që vlera e saj është zero.

Ndërsa Veliu ka deklaruar se ka blerë 10 ari truall në vitin 2015, por që vlera e saj është zero sipas deklarimit.

Këtë truall Veliu ka deklaruar se e ka blerë duke marrë kredi  prej 50 mijë euro në bankën NLB.

Veliu ka deklaruar pagën vjetore të kryetarit të komunës që është 1197 euro ndërsa ka deklaruar se 6 mijë e 267 euro i ka në Raiffesen Bank në Podujevë si dhe 2 mijë e 667 euro në NLB po ashtu në Podujevë.

Formulari i deklarimit të pasurisë së Veliut: http://www.akk-ks.org/declaration/2017/Komunat/Komuna_e_Podujeves/Agim_Veliu.pdf