Nga: Katy Hessel / The Guardian
Përkthimi: Telegrafi.com
Në vitin 2003, mes muajve shtator dhe nëntor, 1500 karrige u mbërthyen në një pirg gjigant që mbushi boshllëkun mes dy ndërtesave në Stamboll. Ky instalacion që dukej sa i dhunshëm dhe në mënyrë shqetësuese po aq bosh, fliste për humbjen, për zinë, për mungesën dhe për shkatërrimin. Edhe pse sot ekziston në fotografi dhe në kujtesën e atyre që e dëshmuan këtë, kjo vepër na bën ta pyesim veten se nga erdhën gjithë këto karrige, kujt i përkisnin dikur dhe si ishte jeta e njerëzve që u ulën mbi to, si u mblodhën me të tjerët dhe çfarë biseduan. A u përmbys edhe jeta e tyre?
“Untitled” (“Pa titull”, 2003) u realizua nga Doris Salcedo, artistja me origjinë kolumbiane që u rrit gjatë konfliktit kolumbian – të betejës mes qeverisë, sindikatave të krimit, grupeve të ekstremit të djathtë dhe të ekstremit të majtë që nisën në vitin 1964. Puna e Salcedos shpeshherë fokusohet në përvojat njerëzore të luftës, apo në kufijtë e kotë që e mbajnë botën tonë të ndarë. “Jam artiste e botës së tretë”, tha ajo dikur, duke shtuar se e shikonte botën “nga perspektiva e viktimës, e njerëzve të mundur”.
Duke e vënë veprën “Untitled” në sferën publike, Salcedo e hapi atë për interpretimet e kalimtarëve të zakonshëm, duke i ftuar ata ta lidhin këtë pamje të pazakontë me përvojat e veta. Por, ajo e paraqet gjithashtu realitetin e përditshëm të të jetuarit përmes lufte: pasuritë e braktisura të mbetura pas arratisjes, vështirësia për të ikur, jetët e panumërta të humbura – një pafundësi e përhapur që depërton në ekzistencën e përditshme. Dhe, cili objekt mund të jetë më ndjellës për ekzistencën e përditshme, sesa një karrige e thjeshtë? Një pirg me 1 500 nga to duket sasi e madhe, por nuk është asgjë në krahasim me realitetin e popullsisë që ikën. “Untitled” bëhet varr masiv për njerëzit që dikur ekzistonin – dhe lulëzuan – në vendet që tani janë të shkreta.
Të vëna në shtresa, karriget janë të të gjitha llojeve të formave, të madhësive dhe ngjyrave të ndryshme; secila prej tyre zbulon diçka nga origjina e vet e veçantë. Është pamje që ia vlen ta kemi parasysh kur shohim masa të grumbulluara refugjatësh: që të gjithë këta janë individë me përvoja të veçanta. Edhe pse e instaluar nga një artiste kolumbiane dhe e vendosur në Stamboll, forca e veprës qëndron në faktin se qëllimi i saj duket shumë më i madh dhe se vazhdon të na flasë për situatat e reja.
Duke pasur parasysh datën e krijimit të veprës, mund të lexohet si adresim i luftërave brutale të fillimit të viteve 2000, ndërsa tmerri, pasiguria e saj mund të sugjerojë keqpërdorimin nga qeveritë e popullit, të atyre që presin në karrige – në mbarë botën – për t’u përpunuar nga zyrtarët e pakujdesshëm. Ndjesia mbizotëruese e trupave që mungojnë, jehon gjithashtu humbjen e jetëve nga koronavirusi ose, së fundmi, nga shkatërrimi i Ukrainës nga Putini. Është kjo e fundit që për momentin ndihet si më prekëse.
Teksa javën e kaluar kaluam gjashtëmujorin e fillimit të pushtimit, në 31-vjetorin e pavarësisë së Ukrainës “Untitled” nuk mund të mos shihet si simbol i shkatërrimit të një vendi që dikur lulëzoi, por që ka qenë – dhe vazhdon të jetë – i copëtuar nga dhuna. Vetë formati duket se gjithashtu i bën jehonë mbulimit kontradiktor mediatik të luftës nga Perëndimi, teksa interesimi dhe zemërimi ngadalë fillojnë të pakësohen. E vënë mes dy ndërtesave në një rrugë të thjeshtë, puna është e dukshme vetëm nga lartë ose nga para. Ec anash dhe befas duket sikur “Untitled” nuk ka ekzistuar kurrë.
Plot kontradikta – e brishtë dhe e fortë, e zhurmshme dhe e qetë, e dukshme dhe e padukshme – vepra na kujton ata që u mohohet zëri, ose zërat e të cilëve nuk dëgjohen; ata janë njerëzit që shpesh vuajnë më shumë. Siç ka thënë Salcedo për veprën: “E thurur brenda strukturës së qytetit … thjesht qëndron në heshtje.”
“Untitlet”, megjithëse fillimisht duket kaotike, me karrige që duken sikur mund të përplasen në rrugë, është gjithashtu plot rregull: këto pjesë të mobileve ngrihen në mënyrë të përkryer në linjë me ndërtesat përreth, sikur po mbahen aty nga një mur i padukshëm. Kjo i hap një dimension tjetër luftës, diçka për të cilën foli Salcedo – anën “që është racionale, që është biznes … Në fund është kaotike, organike, e dhimbshme. Por, është menduar dhe planifikuar me ftohtësi”.
Duke i transformuar objektet dhe vendet që janë sinonim i jetës sonë të përditshme – nga puna tek ngrënia dhe shoqërimi – në nivel individual Salcedo na bën të kuptojmë se sa afër shkatërrimit janë jetët që bëjmë dhe se si ndikohemi nga kjo. Ajo merr një objekt të thjeshtë, funksioni i vetëm i të cilit është të akomodojë njeriun në rehati; e shumëfishon atë dhe më pas e bën të ndjerë. Rezultati, në rrugën e një qyteti që shtrihet në lindje dhe në perëndim, nuk na tregon vetëm mungesën e njerëzve, por edhe dobësimin e tyre. “Nuk është e rëndësishme të dish ngjarjen”, ka thënë Salcedo. “Nuk po e tregoj një histori të veçantë. Thjesht po i trajtoj përvojat”. /Telegrafi/
Lufta Prigozhin - Putin
Më shumëHistoria e fisit Shala
Kristo Frashëri dorëzoi letrën, ku për të thuhej: Po e drodhi bishtin, këputini një plumb pas qafe!
“Zona e interesit” është portretizimi i fajësisë
Fashizmi ka ndryshuar, por nuk ka vdekur
Përdorimi i fjalëve të huaja dhe disa huazime të sotme në gjuhën shqipe
Enver Hoxha në Berat në ditën ku u bë i famshëm dhe retushimi i një tjetër fotografie
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes