Subvencionet e paraparë nuk shkojnë te fermerët

Ministria e Bujqësisë, Pylltarisë dhe Zhvillimin Rural do të vazhdojë të mbështes fermerët që merren me industrinë e qumështit. Nga viti 2008 e deri më tani ministria përmes granteve në mbështetje të USAID dhe Komisionit Evropian, ka ndarë rreth 40 milionë euro grante dhe subvencione për përpunuesit e qumështit.

Këtë e ka bërë të ditur zëvendësministri i bujqësisë, Vezir Januzaj në tryezën e organizuar nga Klubi i Prodhuesve të Kosovës me temë “Sfidat e Industrisë së Qumështit në Kosovë”.

Ai po ashtu tha se ministria është e fokusuar në subvencionimin e prodhimit të qumështit të freskët.

“Nga totali i buxhetit për bujqësi nga Ministria e Bujqësisë dhe Komisioni Evropian rreth 25 përiqnd janë ndarë vetëm për qumështin. Deri në vitin 2015, nga viti 2008, janë ndarë nga ne dhe donatorët rreth 40 milionë euro për qimishte, grante dhe subvencione. Vetëm këtë vit me pagesa direket dhe grante, ne kemi planifikuar 10 milionë euro, vetme për sektorin e qumështit….Ne japim mbështetje edhe në forma të tjera në projekte që promovojnë qumështit, në këtë rast dëshiroj që të përmend një marrëveshje që kemi nënshkruar ditë më parë me shoqatën e qumështarëve dhe USAID-in për promovimin e qumështit të freskët”, tha Januzaj.

Ai ka thënë se cilësia e qumështit është e mirë dhe se i gëzon fakti që ka një rritje të besimit ndaj këtyre prodhimeve. Në anën tjetër, kryetari i Shoqatës së Qumështarëve të Kosovës, Ramadan Memaj ka thënë se subvencionet e shtetit nuk po e arrijnë qëllimin. Nga 1.5 milion euro, sa ndahen në vit, vetëm 500 mijë euro përfitojnë qumështarët, pjesa tjetër mbetet pa u shfrytëzuar. Problem tjetër, ai ka paraqitur edhe importin e lartë të produkteve yndyre bimore që përdoret për përpunimin e qumështit.

“Sa i përket skemave dhe subvencioneve, dihet që Ministria e Bujqësisë është duke e mbështet këtë sektor e qumështit. Për fat të keq shpeshherë k ëto subvencione nuk po i arrijnë qëllimet për të cilat po jepen dhe nuk janë rezultatet e prishmë. Tre vitet e fundit, Ministria e Bujqësisë ndan nga 1.5 milion euro subvencione për kualitetin e qumështit, mirëpo, kjo 1.5 milion euro, 500 mijë euro arrijnë t’i përfitojnë fermerët. Ndërsa, pothuajse së çdo vit tepron nga 1 milion euro. Kjo me të vërtet është një shqetësim për neve, për shkak se dikush duhet të merret me këtë problem dh të jepet një lloj arsyetimi se pse po ndodh kjo, për çfarë arsye fermerët nuk mund të përfitojnë mjetet për të cilat atyre iu dedikohen. Unë mendoj se në këtë drejtim duhet të ketë një bashkëpunim dhe besim shumë më të madh dhe organizmi tjetër sa i përket mënyrës se si duhet të avancohetspektrori“, tha Memaj.

Muhamet Mustafa, deputet dhe kryetar i Komisionit parlamentar për Zhvillim Ekonomik, tha se është mirë që të vendosen masat mbrojtëse për prodhuesit vendor me qëllim që të mbrohen prodhimet vendore. Kjo është e lejuar të vendoset në periudha kohore të caktuara, kjo sipas tij, është e lejuar edhe me marrëveshjen e CEFTA-së dhe MSA.

“Në muajin maj, qershor, korrik , gushtë të kemi një mbrojtje të lehtë të industrisë vendore, dy tre muaj ajo lejohet. Ajo është e rregulluar edhe me CEFTA-në edhe me MSA-në, mund të iu them se pak a shumë në Kosovë me vite është krijuar një vetëdije se Qeveria i ka duart e lidhura dhe nuk mund ta rrezikoj konkurrencën … Ka hezitime gjithmonë edhe nga reciprociteti, edhe në masa mbrojtëse ka hezitime. Unë mund t’i kuptoj ato hezitime por nuk mund t’i arsyetoj deri në fund për arsye se ka më shumë mirëkuptim për hallet e importuesve se sa të prodhuesve. Në këtë drejtim duhet ta korrigjojmë këtë vetëdije“, tha Mustafa.

Kryeshefi i Agjencisë së Veterinarisë dhe Ushqimit të Kosovës, Valdet Gjinovci, tha se cilësia e qumështit të prodhuar në vend është e nivelit të lartë.

“Lirisht mund të themi se ne me qumështin vendor jemi konkurrentë, jo vetëm me vendet e rajonit por edhe me vendet më gjerë ”, tha Gjinovci.

Në këtë tryezë po ashtu është diskutuar importit të yndyrave bimore që shiten si qumësht po që në fakte janë produkte bimore.