Përkundër njoftimit se ka liruar përkohësisht më shumë se 100,000 të burgosur për të ndaluar infeksionet e coronavirusit, Irani ka parë trazira në të paktën 10 burgje në tre javët e fundit.
Burimet e burgut i kanë treguar France 24 për mungesën e masave themelore të higjienës si sapuni dhe uji, dhe zemërimin midis të burgosurve, të paaftë për të përballuar çmimet e larta të lirimit me kusht, përcjell Telegrafi.
Mediat zyrtare shtetërore kanë raportuar trazira në burgjet e shumta, duke raportuar një vdekje – në Khorramabad në provincën perëndimore të Loristanit më 19 mars – dhe gjithsej 97 arratisje.
Megjithatë, sipas France24, aktivistët e të drejtave të njeriut thonë se dhjetëra të burgosur kanë vdekur në trazirat e lidhura me coronavirusin.
Një fotomontazh i postuar në një uebfaqe të aktivistëve iranian më 3 prill renditi emrat e 10 të burgosurve që thuhej se kishin vdekur në trazira, së bashku me fotot e tyre, dhe në disa raste fotografi të funeraleve të tyre.
Të gjithë, përveç një nga 10 prej tyre thuhet se kanë vdekur në trazirat 30-31 mars në dy burgje në qytetin e Ahvaz, në provincën jug-perëndimore të Khuzestan.
Ndërsa shefi i policisë së provincës u tha mediave më 31 mars se asnjë i burgosur nuk kishte vdekur, një burim burgu i tha France 24 Observers se familjet numëronin 38 “qese trupash” nga të dy burgjet në një morg të qytetit.
Ndryshe, gjyqësori i Iranit kishte njoftuar më 3 mars se po lëshonte përkohësisht dhjetëra mijëra të burgosur në përpjekje për të ndaluar transmetimin e virusit në burg.
Më 27 mars, Asghar Jahangir, kreu i Organizatës së Burgjeve të Iranit, tha se më shumë se 100,000 të burgosur u ishin dhënë “leje të mungesës”, numër ky rreth 40 për qind nga numri i përgjithshëm i të burgosurve në Iran.
Gjithsesi, burimi i burgut u tha Vëzhguesve se të France24 se vetëm një pjesë e vogël e të burgosurve në dy burgjet e Ahvazit kishin marrë leje, sepse shumica nuk mund të përballonin shumat e larta të lirisë me kusht.
Gjithashtu France24 ka publikuar disa pamje (të raportuara nga mediat lokale) në të cilat thuhet se shihen disa të burgosur që kishin ikur për shkak të kushteve në qendrën mjekësore të burgut.
“Videot e publikuara në mediat sociale tregojnë se të burgosurit vrapojnë në të gjitha drejtimet, disa përpiqen të ndalojnë veturat që po kalonin”, shkruan ky medium.
Veç kësaj, aktivistët thonë se dhuna më e keqe ka ndodhur në 30 dhe 31 mars në dy burgjet në Ahvaz, Sepidar dhe Sheiban.
Irani më 6 prill raportoi një total prej 60.500 rasteve të coronavirusit dhe 3,739 vdekjeve. Ndërsa nuk është njoftuar asnjë numër zyrtar i vdekjeve brenda burgjeve, aktivistët thonë se të paktën 10 të burgosur kanë vdekur nga virusi. /Telegrafi/
Lufta Prigozhin - Putin
Më shumëZelensky paralajmëron për një "Çernobil të dytë"
SHBA fillon ndërtimin e bazës lundruese në brigjet e Gazës
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
NATO ka nisur një nga dislokimet më të mëdha detare
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre