Litera njofton blerjen e Prosperoware për të fuqizuar bashkëpunimin e ekipit nëpër sisteme

“Litera”, kompani lidere në tregun global për produktet e teknologjisë, njoftoi sot se ka realizuar marrëveshjen finale për blerjen e Prosperoware, një kompani softuerësh që ndihmon ndërmarrjet në adoptimin dhe menaxhimin e sistemeve të bashkëpunimit.

E themeluar në vitin 2009, “Prosperoware” ka zhvilluar platformën më gjithëpërfshirëse të softuerit të integruar në industrinë ligjore, për të sjellë rregull në kaosin e bashkëpunimit digjital në metodën hibride – nga zyret dhe shtëpia.

Kjo platformë ofron shtresën e munguar të bashkëpunimit modern për menaxhimin e sistemeve të bashkëpunimit, të dhënave dhe sigurinë në shkëmbimin e informacionit brenda dhe jashtë organizatave.

Avaneesh Marwaha, CEO i “Litera”, tha se: “Blerja do të ndihmojë kompaninë  ta realizojë vizionin e saj për të transformuar mënyrën se si ekipet ligjore bashkëpunojnë. Shtimi i mjeteve të “Litera”-s dhe aplikacioneve të tjera thelbësore në platformën e “Prosperoware” do të automatizojë procesin e krijimit të lëndëve, buxhetit dhe marrëveshjeve të reja dhe do t’u sigurojë ekipeve ligjore një dritare të vetme për të parë dhe menaxhuar punën e tyre.

Më tej, kjo blerje vazhdon angazhimin tonë për partneritet me firmat ligjore për të krijuar lidhje midis produkteve të “Litera” dhe produkteve të tjera thelbësore nga të cilat varen firmat dhe organizatat për të kryer punën e tyre, duke përfshirë Microsoft Teams, iManage, NetDocuments, Windows File Shares, dhe sisteme të tjera.”

Douglas Caddell, Shefi Global i Informacionit, “Mayer Brown LLP”, komentoi: “Bashkimi i “Litera” dhe “Prosperoware” është frymëzues, pasi kombinimi i teknologjisë së tyre ofron një eksperiencë më të mirë në të gjithë komunitetin global të klientëve të firmave.”

“Ne jemi të entuziazmuar që i bashkohemi familjes “Litera”; thellësia dhe dobia e zgjidhjeve të tyre janë të mahnitshme dhe plotësojnë vizionin tonë për t’i ndihmuar ekipet të bashkëpunojnë në mënyrë më efikase dhe më të sigurt,” tha Keith Lipman, CEO dhe bashkëthemelues i “Prosperoware”.

Si Keith Lipman, ashtu edhe Sheetal Jain, Drejtor Kryesor i Teknologjisë dhe bashkë-themelues do t’i bashkohen “Litera”-s në menaxhimin dhe zhvillimin e mëtutjeshëm të platformës dhe ekipeve te saj në botë.

“Litera” ka parë rritje të konsiderueshme që kur “Hg” investoi për herë të parë në vitin 2019, pas blerjeve të 12 kompanive ku tani ka më shumë se 1,000 punëtorë në 17 vende të ndryshme.

“Litera” gjithashtu ka rritur mbi 10 herë numrin e përdoruesve që kur “Hg” investoi së pari, tani duke shërbyer mbi 15,000 klientë. Për të mësuar më shumë rreth investimit të “HG”-së, lexoni artikullin këtu.

Rreth Litera

“Litera” ka qenë në ballë të teknologjisë ligjore për 25+ vjet. Si një lider global në fluksin e punës, rishikimin dhe analizën e kujdesit të duhur të fuqizuar nga AI, bashkëpunimin dhe zgjidhjet e menaxhimit të dhënave, “Litera” u ofron ekipeve ligjore teknologji të thjeshtuar për krijimin, analizimin dhe menaxhimin e dokumenteve, marrëveshjeve, çështjeve dhe të dhënave të tyre.

Produktet e “Litera” ndihmojnë firmat ligjore dhe ekipet ligjore të korporatave në mbarë botën që të punojnë në mënyrë më efikase, të saktë dhe konkurruese për t’u ofruar klientëve të tyre informacion të përdorshëm dhe të zbatueshëm. Për më shumë informacione rreth “Litera”, vizitoni litera.com ose ndiqni kompaninë në LinkedIn.

Rreth Prosperoware

“Prosperoware” ndihmon ekipet të bashkëpunojnë në mënyrë më efikase dhe të sigurt. Zgjidhjet softuerike të kompanisë shtojnë shtresën e munguar të bashkëpunimit dixhital duke ofruar kontekst dhe siguri specifike për ekipin, për përdoruesit, të dhënat dhe projektet.

E gjithë kjo mundësohet përmes aftësive të zgjidhjes për t’i lejuar organizatat të menaxhojnë më mirë sistemet e tyre të bashkëpunimit duke e bërë më të lehtë sigurimin, klasifikimin, mbrojtjen, lëvizjen dhe minimizimin e të dhënave – duke zbutur përfundimisht kaosin e të dhënave dhe rreziqet që lidhen me privatësinë dhe sigurinë kibernetike.

Mbi 370 klientë në të gjithë industritë, 66% Am Law 100, 50% Global Top 20, 24% UK Top 50, u kanë besuar zgjidhjeve “Prosperoware” për t’u mundësuar atyre të bashkëpunojnë në mënyrë të sigurt, pa kaos.

Për më shumë informacion, na ndiqni në Twitter dhe LinkedIn.