Që kur Rusia filloi sulmin ndaj Ukrainës më shumë se një vit më parë, Shtetet e Bashkuara kanë ndarë rreth 113 miliardë dollarë ndihma ushtarake dhe humanitare për Ukrainën, duke e bërë atë një ndër ndihmat më të mëdha të miratuara nga qeveria amerikane. Zyrtarët siguruan ligjvënësit të mërkurën, se paratë po monitorohen rreptësisht për t’u siguruar që ato po përdoren ashtu siç ka parashikuar Kongresi. Zëri i Amerikës bisedoi me disa ligjvënës mbi shqetësimet e tyre për këtë çështje.
Presidenti ukrainas Volodymyr Zelensky i përsërit shpesh thirrjet për ndihmë.
“Ne jemi në luftë dhe kemi nevojë për para”, thotë ai.
Ndihma amerikane prej 113 miliardë dollarësh ka ndihmuar në financimin e luftës kundër forcave ruse, një kosto që shumë ligjvënës amerikanë thonë se është e justifikuar.
“Përpjekja jonë nuk ka të bëjë vetëm me Ukrainën dhe qytetarët e saj. Kjo është një luftë për mbrojtjen e demokracisë anembanë botës dhe për njerëzit e lirë që i rezistojnë autokratëve brutalë si Putini”, thotë ligjvënësi demokrat, Gregory Meeks.
Megjithatë, ka shqetësime nëse fondet po shpenzohen siç duhet në mes të kaosit të një lufte.
“Unë mbështes një kontroll 100% të fondeve. Unë dua transparencë absolute për çdo dollar të shpenzuar”, thotë ligjvënësi republikan, Cory Mills.
Vitin e kaluar, Kryetari i Dhomës së Përfaqësuesve, Kevin McCarthy tha se Shtetet e Bashkuara nuk do t’i shkruajnë një çek të bardhë Ukrainës. Tre ekspertë të qeverisë amerikane, që mbikëqyrin ndihmën, u thanë ligjvënësve të mërkurën, se nuk ka raste të vërtetuara mashtrimi deri më sot.
“Taksapaguesit amerikanë duhet të ndihen të sigurt, se çdo hap i këtij procesi është i bazuar në parimin e besimit dhe verifikimit. Është në interes të popullit të Ukrainës që të mos ketë ndonjë shpërdorim të pajisjeve, sepse kjo do të zemëronte publikun amerikan”, thotë ligjvënësi republikan Joe Wilson.
Por disa republikanë shprehën shqetësimin rreth ndihmës së Shteteve të Bashkuara për pagat dhe pensionet e qeverisë ukrainase, veçanërisht pasi shumë amerikanë po përballen me vështirësi ekonomike.
“Si nuk mund të shihet kjo si një ndihmë për pagat e zyrtarëve të qeverisë ukrainase që bëjnë pazar në Paris, apo një vend tjetër?”, pyet ligjvënësi republikan, Warren David.
Zyrtarët thonë se paratë jepen vetëm pasi të miratohet arsyeja e përdorimit të tyre. Në fillim të kësaj jave, një propozim i Senatit që gjithë ndihma të kalojë përmes një zyre mbikëqyrjeje, nuk u miratua.
“Le të krijojmë një mbikëqyrës qeveritar, jo dy, tre, apo 20. Të kemi një zyrë qeveritare për të mbikëqyrur çdo cent që shpenzohet në Ukrainë, e cila do t’i raportonte Kongresit dhe popullit amerikan se si po shpenzohen paratë e tyre të fituara me vështirësi”, thotë ligjvënësi republikan, Josh Hawley.
Ky propozim mund të rikthehet për diskutim gjatë debatit mbi një raund të ri ndihmash për Ukrainën më vonë këtë vit.
“Kongresi është një qendër e ideve. Dhe këtu është një vend i mirë për debate. Por unë mendoj se populli i Ukrainës ka nevojë për mbështetjen tonë, ata e meritojnë mbështetjen tonë”, thotë ligjvënësi republikan, Chris Smith.
Të mërkurën, Shtetet e Bashkuara njoftuan një pako të re ndihmash ushtarake prej 400 milionë dollarësh për Ukrainën.
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Dhjetë aeroportet më të pastra në botë - vetëm një është në Evropë
Izraeli ndërton 'kube kibernetike' për t'u mbrojtur nga hakerët iranian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak