Gazetarja ruse e cila akuzohet se postoi në rrjetin social statusin “njerëzit e arsyeshëm janë për paqe” që i atribuohet luftës së Vladimir Putinit në Ukrainë, është mbyllur në një spital psikiatrik në Siberi.

Maria Ponomarenko, 44-vjeçe, nënë e dy fëmijëve, pretendon se autoritetet ruse po tentojnë ta thyejnë për shkak të qëndrimeve të saj kundër luftës.

Ajo po akuzohet për shpërndarje të lajmeve “të rreme”, sa i përket luftës së Putinit në Ukrainë.

Zelensky thotë se ukrainasit do të thyejnë ëndrrat e Moskës Zelensky thotë se ukrainasit do të thyejnë ëndrrat e Moskës

Madje një postim i saj është konsideruar nga gjykata si cenim i sigurisë. Por ajo nuk e ka ndërmend të ndalet dhe të flet për vdekjen e mijëra civilëve të pafajshëm.

Lajmet e saj “të rreme” janë edhe postimet e shumta në Telegram, që kritikojnë bombardimet ruse dhe masakrën e kryer mbi teatrin e Mariupolit në prill të këtij viti, ku humbën jetën qindra civilë që po strehoheshin në teatër.

Ukrainasit publikojnë videon ku shihen se si me sistemin e avancuar raketor amerikan HIMARS, lansojnë raketat në Zaporizhzhia Ukrainasit publikojnë videon ku shihen se si me sistemin e avancuar raketor amerikan HIMARS, lansojnë raketat në Zaporizhzhia

E për shkak të qëndrimeve të saj, po rrezikohet të dënohet deri në 10 vite burgim apo të mbyllet përgjithmonë brenda spitalit psikiatrik.

Ponomarenko nga Barnaul i Siberisë, fillimisht ishte arrestuar në Shën Petersburg, për shkak se kishte kritikuar ushtrinë ruse për luftën në Ukrainë.

Ukrainasit gjejnë “hard diskun” e rusëve me 100 GB të dhëna ushtarake, shumica e tyre janë të klasifikuara si “sekrete” Ukrainasit gjejnë “hard diskun” e rusëve me 100 GB të dhëna ushtarake, shumica e tyre janë të klasifikuara si “sekrete”

Më pas u dërgua mijëra kilometra larg qytetit të dytë më të madh në Rusi – dhe tani po qëndron në spitalin psikiatrik të Siberisë që ishte ndërtuar në kohën e Bashkimit Sovjetik.

Asaj i janë ndaluar vizitat nga miqtë dhe familjarët, si dhe personin e vetëm që mund ta takojë është avokati. /Telegrafi/