Institucioni i Avokatit të Popullit i ka kërkuar Agjencisë për Mbrojtjen e të Dhënave Personale që të procedojë me masa ndëshkuese ndaj atyre që shkelin ligjin për mbrojtjen e të dhënave personale. Avokati i Popullit thotë se publikimi i të dhënave të pacientëve që janë në trajtim me Covid-19 nuk mund të bëhet në asnjë mënyrë.
Në një intervistë për KosovaPress, Hilmi Jashari tregon edhe ankesat që kanë arritur në këtë institucion gjatë kohës së pandemisë, të cilat kanë të bëjnë me të burgosurit, dhe me shtetasit e Kosovës në Evropë.
Avokati i Popullit, Hilmi Jashari thekson se të dhënat e pacientëve duhet të mbrohen edhe jashtë çështjes me pandeminë, dhe se rrethana e vetme kur ato mund të publikohen është kur vet pacienti deklaron për gjendjen e tij.
“Rregullat janë shumë të qarta dhe nuk do të duhej të ndodh, çdo tejkalim i kësaj të drejte normal që përbën ndërhyrje edhe shkelje të ligjit, dhe është autoriteti i përcaktuar, agjenioni për mbrojtjen e të dhënave i cili ka autorizimin gjithashtu të shqiptojë masa ndaj autoriteteve ose personave që e shkelin këtë të drejtë. Nuk ka asnjë dilemë që ato janë të ndaluara të publikohen përjashtimisht rrethanave kur vet personi deklarohet, përndryshe në asnjë rrethanë nuk lejohet”, thotë Jashari.
Duke e pranuar me shqetësim situatën aktuale ku në disa raste është bërë i ditur identiteti i pacientit të prekur me Covid-19, Avokati i Popullit i është drejtuar me shkresë zyrtare institucionit përgjegjës për mbrojtjen e të dhënave personale.
“E kemi dërguar një letër zyrtare të Agjensioni për Mbrojtjen e të Dhënave me të cilën kemi kërkuar që të vihet në lëvizje për të shqiptuar masat ndëshkuese siç janë paraparë me ligjin për autoritetet të cilat e shkelin këtë të drejtë”, thotë ai.
Jashari thotë se kanë pranuar ankesa edhe nga qytetarë prej vendeve të ndryshme të Evropës të cilët kanë shprehur interesim për t’u kthyer në Kosovë, ndërkohë që konsullatat kanë vënë disa kufizime me listë prioritare.
Si thotë Jashari, disa qytetarë janë ankuar për mos përfshirje në listë.
“Megjithatë këto kufizime dhe kjo listë prioritare sigurisht se mund të ketë rrethana ku mund të shkelen të drejtat e njeriut, ne jemi tani duk e u marrë me ato, sot gjithashtu kemi kontaktuar autoritetet po provojmë të vihemi në kontakt për të parë se cilat janë arsyet që konsullatat tona në disa raste kanë bërë kufizime të tilla ose nuk i kanë fut në listën prioritare personat, që duket se kanë pas të drejtë sepse kanë anëtarë të familjes sëmurë ose kanë në përkujdesje fëmijët e të tjera, që lë të kuptohet se do të duhej, mirëpo në anën tjetër duhet me pa edhe numrin e fluturimeve, numrin e personave, cilat kanë qenë njoftimet, cilat janë kriteret e ambasadave tona që kanë bërë kësi lloj kufizimesh, për të vlerësuar pastaj a janë shkelje ose jo”, thotë ai.
Gjithashtu, ky institucion ka pranuar ankesa edhe prej disa të burgosurve lidhur me lirimin me kusht. Jashari thotë se këtë çështje e kanë zgjidhur.
“Kanë pas të bëjnë prej kërkesave me lirim me kusht, sepse siç e dini Paneli për Lirimin me Kusht nuk ka funksionuar për një periudhë kohore për shkak të vendimit të qeverisë dhe për shkak të pamundësisë që ky komision të vlerësojë të gjitha kërkesat e të burgosurve që kanë pas të bëjnë me lirimin me kusht. Megjithatë edhe kjo çështje është zgjidhur, para disa ditësh kam pasur një takim dhe është vendosë për disa prej kërkesave tash shohim nëse vazhdojmë të pranohen ende ankesa të tilla të të burgosurve”, thotë ai.
Jashari tha se nuk ka vështirësi me burgje sikur po ndodh në disa vende të botës, meqë masat e Shërbimit Korrektues dhe Ministrisë së Drejtues janë në harmoi me situatën.
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre