Nis gjykimi ndaj Ramiz Merkos për blerjen e veturës luksoze, anulohet seanca e parë
Në Gjykatën Themelore në Strugë ka nisur sot gjykimi ndaj kryetarit të komunës së Strugës Ramiz Merko për blerjen e veturës luksoze “Audi A6”, me vlerë 67 mijë euro. Pas kërkesës së mbrojtjes për shqyrtim të plotë të dosjeve, gjyqtarja Nadica Mitreska e shtyu seancën kryesore për më 3 qershor të këtij viti.
Në seancën e sotme nuk morën pjesë as i akuzuari dhe as avokati i tij, avokati Igor Petkoski, përcjell Telegrafi Maqedoni.
Dosjet e çështjes, siç ka sqaruar gjyqtarja në një procesverbal dixhital, do t’i kalojnë avokatit të të pandehurit në një USB, i cili ka 27 dosje në format PDF.
Avokati i Merkos, Igor Petkoski, në një bisedë telefonike për mediat ka treguar se provat e renditura në listën e provave nga Prokuroria nuk i janë dorëzuar klientit të tij me propozim aktakuzën, që është obligim ligjor dhe kushtetues kur dikush ndiqet penalisht.
Ai sqaroi se për shkak të volumit, materiali është dashur të dorëzohet në USB, por për arsye teknike, gjykata nuk ka mundur t’ua kalojë materialet para datës së gjykimit, në mënyrë që ata të shqyrtojnë provat dhe të përpilojnë një listën e provave për mbrojtjen.
“Për këto arsye, ne kërkuam shtyrje, pasi nuk kishim prova, dhe në të njëjtën kohë, gjyqtari u njoftua më 18 prill se më parë isha i ftuar në sallën e gjyqit në Manastir si mbrojtës i një klienti tjetër për një rast më të vjetër se ky. Qëllimi ynë nuk është të zvarritim procesin, por qëllimi ynë është që kur shikojmë provat në prokurori, t’i kundërshtojmë provat mbrojtjes, me të cilat do t’i kontestojmë ato prova dhe do të vërtetojmë tezën se nuk ka përgjegjësi nga ana e kryetarit të komunës për këtë çështje”, tha ai.
Prokurori publik në Prokurorinë Themelore Publike Strugë Nikolla Joleski, sqaroi se ky është propozim prokurorial i dorëzuar nga Prokuroria Publike për ndjekjen e krimit të organizuar dhe korrupsionit në Gjykatën Themelore në Shkup. Për shkaqe procedurale, sqaroi ai, akuza ka kaluar në kompetencë të Gjykatës Themelore në Strugë.
“Aktakuza është keqpërdorim i pozitës zyrtare nga neni 353 paragrafi 4 në lidhje me paragrafin 1. Ne do ta dëshmojmë teorinë tonë në këtë rast, mbrojtja të tyren, që në fund të vendosë Gjykata se çfarë ka ndodhur realisht. Besojmë se ka vepër penale, do ta mbështesim aktakuzën e paraqitur nga Prokurria”, tha Joleski.
Ndryshe, me ndryshimet e fundit në Kodin Penal për shpërdorimin e pozitës dhe kompetencave zyrtare – neni 353, parashikohet dënim me burg nga një deri në katër vjet./Telegrafi/
Promo
Reklamo këtuLufta Prigozhin - Putin
Më shumëPolicia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Aktakuzë ndaj dy rusëve që u kapën në Jarinjë
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
Mickoski në VLEN, caktohet agjenda bashkëqeverisëse
Tentoi ta vriste për shkak se refuzoi të kryente marrëdhënie seksuale me të – Prokuroria nis hetimet për rastin në Fushë Kosovë
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'