Prej kohësh besohet se 10.000 hapa në ditë është “numri magjik” i nevojshëm për të qëndruar të shëndetshëm dhe në formë, por hulumtimet e reja tregojnë se mjafton shumë më pak.
Një analizë e më shumë se 226.000 njerëzve në mbarë botën, zbuloi se 4.000 hapa në ditë janë të mjaftueshëm për të reduktuar rrezikun e vdekjes së hershme. Pak më shumë se 2.300 hapa do të jenë të dobishëm për zemrën dhe enët e gjakut dhe sa më shumë hapa të bëni, aq më të mëdha janë efektet pozitive.
Çdo 1.000 hapa shtesë mbi 4.000 zvogëlon rrezikun e vdekjes së hershme me 15 për qind deri në 20.000 hapa.
Një ekip nga Universiteti Mjekësor i Lodzit në Poloni dhe Shkolla e Mjekësisë e Universitetit John Hopkins në SHBA, zbuloi se nga ecja përfitojnë të gjitha gjinitë dhe të gjitha grupmoshat, pavarësisht se ku jetojnë, megjithatë, ecja është më efektive për ata nën moshën 60 vjeçare.
Profesori Maciej Banach nga Polonia tha se megjithëse numri i barnave të avancuara për trajtim po rritet, ato nuk janë e vetmja përgjigje.
“Besoj se duhet të theksojmë gjithmonë se ndryshimet në stilin e jetës, duke përfshirë dietën dhe stërvitjen, që janë heronjtë kryesorë të analizës sonë, mund të jenë po aq ose edhe më efektive në uljen e rrezikut të sëmundjeve kardiovaskulare dhe zgjatjen e jetës”, është shprehur ai.
Organizata Botërore e Shëndetësisë (OBSH) deklaron se aktiviteti i pamjaftueshëm fizik është përgjegjës për vdekjen e 3.2 milionë njerëzve çdo vit dhe është shkaku i katërt kryesor i vdekjeve në botë.
Honey Fine, një trajnere personale dhe instruktore e fintesit, veçoi problemet që lindin për shkak të qëndrimit ulur për një kohë të gjatë.
“Qëndrimi ulur mund ta ngadalësojë metabolizmin tuaj dhe të ndikojë në rritjen dhe forcën e muskujve, gjë që mund të çojë në dhimbje. Qëndrimi ulur për një kohë të gjatë mund të shkaktojë gjithashtu probleme me shpinën, që është një problem i zakonshëm për njerëzit që punojnë në zyra. Shpinat e tyre janë vazhdimisht nën stres dhe presion, gjë që çon në shumë probleme më vonë gjatë jetës”, ka thënë ajo.
Ecja ul presionin e gjakut, forcon muskujt që mbrojnë kockat dhe rrit nivelin e energjisë dhe gjithashtu ndihmon në ruajtjen e peshës trupore me një dietë të shëndetshme. Gjithashtu, ka një efekt pozitiv në shëndetin mendor.
Për ata që punojnë në zyra, këshillohet të ngrihen dhe të ecin pak minuta pas çdo ore. Ecja është ushtrimi më i mirë për gratë shtatzëna. Rekomandohet të ecni për 30 minuta çdo ditë. /Telegrafi/
Lufta Prigozhin - Putin
Më shumëA e keni ditur se për çfarë shërben pjesa metalike në letrën e sallamit, kjo video po bën xhiron në internet
Pse trajneri Arbër Peci këshillon të mos vrapojmë?
Nëse dëshironi lumturi, motivim dhe paqe të mendjes, ndiqni këto këshilla
Demi: Horoskopi vjetor për 2024
Tri mënyra efikase që të pastroni hekurin nga gurëzit
Nëse shikon zjarr në ëndërr, është mirë ta marrësh seriozisht
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur