Enrique: Mungesat e Messit dhe Piques, “të duhura”

Trajneri i Barcelonës, Luis Enrique, ka pranuar se mungesat e detyrueshme të Gerard Piques dhe Lionel Messit janë të mirë se ardhura për të pasi që dyshja kanë nevojë për pushim.

Njëri i suspenduar e tjetri i lënduar, ka bërë që Messi dhe Pique të qëndrojnë jashtë sfidës që zhvillohet ndaj Granadas.

Dhe, Enrique si rallë ndonjë trajner që do të bënte, shpreh gëzimin për këto mungesa, pasi e rëndësishme për të është që të pushojnë lojtarët kyç para sfidave të rëndësishme të sezonit.

“Ne kemi arritur në kulmin e sezonit. Ky takim sjellë shumë vështrësi, pasi që menjëherë pas pushimit të kombëtareve luajmë në udhëtim”.

“Ne përballemi me një ekip shumë të vështirë për të mposhtur, ndaj të cilit kemi pasur nevojë për performancë tepër të mirë në pjesën e parë të sezonit”.

“Mungesa e Piques? Ju e dini se nuk mund të detyrojmë lojtarët të marrin kartonë të verdhë, por mungesa e tij vjen në një moment shumë të rëndësishëm ku ai ka nevojë për pushim”.

“Ai është lojtar krucial për ne, është me rëndësi që ai të rikuperohet”.

“Messi? Nuk do të ketë probleme në nivelin e futbollit. Ai do të pushojë dhe kjo do t’i përshtatet shumë atij”, potencoi Enrique para ndeshjes ndaj Granadas.

Barcelona gjendet dy pikë prapa Realit në tabelën e La Ligas, por Reali ka një ndeshje më pak të zhvilluar. /Telegrafi/