Drejtori i institutit EPIK, Demush Shasha, ka bërë të ditur se ka vdekur vëllai i tij, 38-vjeç i cili ishte prekur nga coronavirusi.

Lajmin e ka bërë të ditur vet Shasha përmes një postimi në Facebook.

“Vëllau im, Flamur Shasha, 38 vjeç, ndërroj jetë. Për shkak rrethanave lus për mirëkuptim familjen dhe miqtë. Varrimi do jetë privat”, ka shkruar ai.

Shasha më herët kishte treguar për përvojën e përballjes me virusin dhe punën që po bëhet në Klinikën Infektive, ku po punohet me kapacitete të kufizuara.

Rrëfimi i Demush Shashës nga Klinika Infektive, ku vëllai i tij është i shtrirë me coronavirus Rrëfimi i Demush Shashës nga Klinika Infektive, ku vëllai i tij është i shtrirë me coronavirus

Shasha kishte thënë se vëllai i tij ishte duke u trajtuar me oksigjenoterpari dhe në Infektive ishte dërguar në gjendje goxha të rënduar shëndetësore.

Ndryshe, që nga 13 marsi e deri tani në Kosovë me coronavirus janë konfirmuar 3 mijë e 178 persona, 1 mijë e 824 prej të infektuarve janë shëruar kurse janë regjistruar 59 vdekje, por që kishin edhe sëmundje tjera shoqëruese.

IKSHPK ka njoftuar se aktualisht në vendin tonë raste aktive vazhdojnë të jenë 1 mijë e 296. /Telegrafi/