Man Utd refuzoi një nga sulmuesit më klinik në Evropë për të nënshkruar me Hojlund

Manchester United thuhet se ka zgjedhur të nënshkruajë me Rasmus Hojlund, duke refuzuar mundësinë e transferimit të një nga sulmuesit më pjellorë të Evropës.

Ka qenë një tjetër fillim i tmerrshëm për United nën drejtimin e Erik ten Hag pasi ata aktualisht janë në vendin e 14-të në tabelën e Ligës Premier.

Djajtë e Kuq janë gjithashtu pesë ndeshje pa fitore, pas fitores 7-0 ndaj ekipit të League One, Barnsley, muajin e kaluar në Carabao Cup.

Me pushimin ndërkombëtar tani në vazhdim, një raport i ri ka pohuar se United vendosi të nënshkruajë me sulmuesin danez Hojlund në vend të yllit të Aston Villa, Ollie Watkins, i cili ka qenë një nga golashënuesit më pjellorë të Evropës.

Sipas ESPN, Watkins ishte nën konsideratë serioze, por më pas u vendos që Hojlund, i cili ishte shtatë vjet më i ri në atë kohë, përfaqësonte ‘vlerë më të mirë për paratë dhe ishte një perspektivë afatgjatë’.

Që nga transferimi në Old Trafford, Hojlund ka shënuar 17 gola në 48 paraqitje në të gjitha garat.

Vetëm në Ligën Premier sezonin e kaluar, Watkins shënoi 19 gola ndërsa Aston Villa siguroi kualifikimin në Ligën e Kampionëve nën urdhrat e Unai Emery. /Telegrafi/