Nga shitja e Olmos te Barcelona nuk përfiton vetëm RB Leipzigu

Dani Olmo mund të quhet lojtar i Barcelonës. Eksperti i transferimeve  Fabrizio Romano raporton se marrëveshja ka përfunduar.

RB Leipzig do të marrë 55 milionë euro dhe shpërblime në vlerë prej shtatë milionë euro. Olmo do të nënshkruajë për gjashtë vjet.

Sulmuesi spanjoll paraprakisht kishte rënë dakord për të gjitha kushtet e bashkëpunimit me Barcelonën, dhe sot drejtori sportiv i klubit, Deco e përfundoi punën e tij në Gjermani.

Ky është një lajm i mirë edhe për Dinamon, nga aty ku Olmo kaloi për në Leipzig. Dinamo e shiti te Leipzig për 29 milionë euro. Kampioni kroat ka përfshirë një klauzolë në kontratë sipas së cilës i takon edhe 20 për qind e fitimeve që klubi gjerman do të ketë në rast të shitjes së Olmos.

Për shembull, nëse Leipzig shet spanjollin te Barcelona për vetëm 55 milionë euro fikse, pa asnjë bonus, fitimi i Leipzigut në krahasim me atë që i pagoi Dinamos për të është 26 milionë euro.

Nga kjo shumë, 20 për qind ose 5.2 milionë euro do të shkonte për Dinamo Zagrebin.

Lexo po ashtu E kryer, Dani Olmo te Barcelona

Kështu, Dinamo nga Olmo, të cilën e mori falas, do të fitonte në total më shumë se 34 milionë euro. Është e qartë se kjo e bën atë lojtarin më të shtrenjtë në historinë e Dinamos.

Për atë klub, lojtari sulmues që mbulon të gjitha pozicionet pas sulmuesit shënoi 28 gola në 124 ndeshje. /Telegrafi/