E dashura e Leonardo DiCaprio, Vittoria Ceretti përqafon aktorin Theo James ndërsa filmonte reklamën e “Dolce and Gabbana”

E dashura mahnitëse e Leonardo DiCaprio, Vittoria Ceretti, filmoi një reklamë të “Dolce and Gabbana” me aktorin Theo James në Capri të hënën.

Modelja italiane, 26 vjeçe, dukej sensacionale me bikini të bardha, teksa lyente yllin e “The Gentleman”, 49 vjeç, në një nga plazhet e ishullit të lagur nga dielli.

Vittoria nxirrte në pah figurën e saj mbresëlënëse në dy pjesët e vogla, ndërsa Theo shfaqi barkun e tij të tonifikuar, shkruan DailyMail.

Dyshja, të dy të lagur nga oqeani, shkrepën skenat ‘e egra’ duke u puthur, ndërsa Theo muskuloz i mbështjellë krahët rreth saj.

Ekuipazhi ishte gati për të kapur fotografinë perfekte dhe më vonë i dha Vittorias dhe Theos peshqirë për t’i veshur ndërsa ktheheshin në rimorkio.

Victoria dhe fituesi i “Oscar”, Leo, 49 vjeç, janë në lidhje që nga gushti 2023, menjëherë pas përpjekjeve të dështuara të Leonardos për të dashuruar Gigi Hadid.

Leo dhe Vittoria u takuan gjatë premierës së “Killers Of The Flower Moon” në Festivalin e Filmit në Kanë në maj të atij viti. /Telegrafi/