Real Madridi nënshkruan me Joselu – por e ardhmja e sulmuesit është larg skuadrës së Carlo Ancelottit

Real Madrid ka aktivizuar opsionin për të blerë Joselu nga Espanyol – por sulmuesi spanjoll duket se do të shkojë diku tjetër pavarësisht kësaj.

Sulmuesi spanjoll iu bashkua Real Madridit në formë huazimi nga Espanyol verën e kaluar pas rënies së tyre nga La Liga.

Espanyol konfirmoi të enjten se Los Blancos kanë paguar klauzolën e tij të lirimit prej 1.5 milionë eurosh, por Cadena SER raporton se 34-vjeçari së shpejti do të shitet te skuadra e Katarit, Al-Ghafara.

Pavarësisht se ka shënuar 18 gola në 49 paraqitje për Real Madridin këtë sezon, Joselu nuk do të qëndrojë te gjiganti spanjoll.

Me ardhjen e Kylian Mbappe, spanjolli nuk do të kishte minuta në skuadrën e Carlo Ancelottit. Prandaj, Real Madridi ka rënë dakord ta shesë atë për çmimin e lartpërmendur te skuadra e Katarit dhe të mos fitojë para nga marrëveshja.

Joselu ka luajtur te Newcastle United, Stoke City, Hannover dhe Deportivo La Coruna. Megjithatë, kjo ndryshoi kur ai iu bashkua Alaves në 2019 dhe që atëherë ai ka shënuar më shumë se 10 gola në secilin nga pesë sezonet e fundit.

Joselu do të do të fitojë 8 milion euro gjatë një periudhe dyvjeçare në Katar, ndërsa aktualisht po paraqitet për Spanjën në Euro 2024 në Gjermani. /Telegrafi/