Çfarë shkruajtën mediat e mëdha pas barazimit të Shqipërisë ndaj Kroacisë

Shqipëria ka siguruar pikën e parë në Euro 2024, duke barazuar 2-2 me Kroacinë në kuadër të Grupit B.

Qazim Laçi dhe Klaus Gjasula i shënuan golat për kuqezinjtë, ndërsa Andrej Kramaric dhe një autogol i tanëve ishin golat e kroatëve.

Një ndeshje plot emocione ku kuqezinjtë nuk u dorëzuan dhe morën një pikë në një ndeshje që kishte të gjitha.

Barazimi i marr nga Shqipëria në fund nuk ka kaluar pa vëmendje në mediat kryesore botërore, duke shkruar se tashmë Kroacia mund të eliminohet.

“Festa e Shqipërisë në kohën shtesë” 2-2 vjen në minutën e 95-të. Kroacia mbështet pas murit, duhet vetë fitore ndaj Italisë”, ka shkruar mediumi i njohur italian Gazetta dello Sport.

AS spanjolli ka zgjedhur yllin e kroat, Luka Modricin për ta përshkruar gjendjen e Kroacisë: “Modic është shumë në telashe”.

Edhe The Guardian ka shkruar për barazimin e madh të Shqipërisë, duke e nënvizuar Klaus Gjasulan si autor të autogolit dhe golit.

“Çmenduri shqiptare fut në telashe Kroacinë” – është titulli i gjigantit spanjoll Marca.

Gjermanët e Bild janë po ashtu të mendimit që kishte çmenduri shqiptare në minutat e fundit.

“Shqipëria tronditi Kroacinë me një gol në minutën e 95-të” – ka shkruar mediumi kroat Index.hr.

Shqipëria ndeshjen e fundit në grupe e luan ndaj Spanjës. /Telegrafi/