Gjermanët po përgatisin një tank të ri “Frankestein” për Ukrainën, do të përdoret për të rrëzuar dronët

Ukraina do të marrë një tank të ri të mbrojtjes ajrore “Frankenstein”, i projektuar për të rrëzuar dronët dhe raketat ruse duke bashkuar aftësitë e provuara të një shasie tankesh të epokës së Luftës së Ftohtë me një sistem të avancuar anti-ajror.

Kompania gjermane e mbrojtjes Rheinmetall njoftoi dizajnin e ri këtë javë. Kompania planifikon të montojë një Skyranger, të pajisur me një top automatik të fuqishëm 35 mm, në një shasi Leopard 1, transmeton Telegrafi.

“Shumë tanke Leopard 1 janë ende në dispozicion”, tha Bjorn Bernhard, kreu i sistemeve tokësore në Rheinmetall, duke sugjeruar se mund të ketë më shumë tanke “Frankenstein” në punë.

Megjithëse Leopard 1 i kohës së Luftës së Ftohtë nuk përdoret më nga Gjermania, një numër i konsiderueshëm mbetet në ruajtje. Ushtria e Ukrainës ka marrë tashmë gati 100 Leopardë dhe vazhdon të kërkojë mbështetje shtesë për t’u mbrojtur kundër Rusisë dhe sulmeve të saj me dron, që kanë shënjestruar infrastrukturën kritike në muajt e fundit.

Lexo po ashtu Sulme me dronë kamikaz në qytetin rus, rezervuarët e naftës përfshihen nga zjarri

I zhvilluar në vitet e 60-ta, Leopard 1 u bë shpejt një standard për shumë ushtri evropiane gjatë Luftës së Ftohtë, duke shërbyer si tanku kryesor në dhjetëra vendesh në mbarë botën. Duke i dhënë përparësi lëvizshmërisë dhe fuqisë së zjarrit, motori i tij i fuqishëm e shtyn tankun 42 tonësh në shpejtësi që tejkalojnë 70 kilometra në orë, duke mbajtur ritmin me trupat që përparojnë.

Shasia e testuar mirë krenohet me aftësi të rëndësishme jashtë rrugës, duke e bërë atë ideale për terrenin e ashpër të Ukrainës Lindore. Profili i ulët i Leopard-it ofron gjithashtu një mbrojtje kundër zjarrit të armikut.

Ndërsa Leopardi siguron themelin, muskuli i vërtetë vjen nga sistemi Skyranger. Kjo frëngji e avancuar përmban një radar të sofistikuar me një pamje të plotë 360 gradë, duke lejuar forcat ukrainase të zbulojnë dhe gjurmojnë me saktësi kërcënimet.

Lexo po ashtu Shefi i NATO-s: Kina duhet të paguajë për mbështetjen e luftës së Putinit

Topi i tij automatik 35 mm është në gjendje të shkatërrojë në mënyrë efektive dronët përpara se të mund të shkaktojnë dëme. Sistemi mund të pajiset gjithashtu me lëshues për raketa kundërajrore, duke siguruar një shtresë shtesë mbrojtjeje kundër kërcënimeve më të sofistikuara ajrore.

Sipas Rheinmetall, ky kombinim i mundëson Ukrainës të vendosë me shpejtësi një sistem shumë efektiv kundër tufave të dronëve rusë që dëmtojnë infrastrukturën e tyre. Njoftimi përkon me hapjen e një punishteje të re të Rheinmetall në Ukrainën perëndimore. /Telegrafi/