Dy lojtarë ‘refuzuan’ të ekzekutonin penalltinë në ndeshjen Man City-Real Madrid

Dy lojtarë thuhet se nuk donin të ekzekutonin penalltinë gjatë përplasjes dramatike në çerekfinale të Ligës së Kampionëve mes Manchester Cityt dhe Real Madridit.

Me rezultatin e përgjithshëm 4-4 pas 210 minutash lojë, ndeshja do të vendosej me penallti në Etihad Stadium.

Reali do të fitonte 4-3 pas goditjeve nga pika e bardhë, pas humbjeve të kushtueshme nga Bernardo Silva dhe Mateo Kovacic.

Los Blancos kishin humbur së pari kur Ederson priti goditjen e 38-vjeçarit Luka Modric, por Reali ktheu në gol çdo përpjekje tjetër pas kësaj.

Lexo po ashtu “Fati nuk ekziston, por çfarë mënyrë fantastike për të humbur”, Guardiola pranon humbjen nga Real Madridi

Zgjedhjet e penalltive në të dyja anët ishin paksa befasuese, veçanërisht me portierin e Cityt, Ederson, që gjuajti dhe shënoi me qetësi nga 11 metra.

Por, doli se për Real Madridin, dy lojtarë refuzuan mundësinë për të ekzekutuar një penallti.

Sipas gazetës Marca, Federico Valverde dhe Eder Militao nuk dëshironin të merrnin detyrat e goditjes së penalltisë.

❗️Two players were sincere and told the coaches they will not play the penalties last night. Militão said Ederson knows him well and might guess his movement. Valverde also told them he is tired, and can’t shoot.

— @marca pic.twitter.com/MwHmSQ2cyI

— Madrid Universal (@MadridUniversal) April 18, 2024

Reprezentuesi i Uruguait, Valverde, shënuesi i një goli të shkëlqyer në ndeshjen e parë, do të kishte qenë një nga kandidatët kryesorë për të ekzekutuar një penallti.

Megjithatë, ai po luftonte me lodhjen dhe nuk ishte në mesin e pesë lojtarëve.

Përveç kësaj, Eder Militao gjithashtu nuk donte një penallti edhe pse hyri vetëm si zëvendësues në minutën e 110-të.

Lexo po ashtu Portieri i Real Madridit u ndihmua nga bashkëlojtarët e tij para pritjes së penalltisë së Kovacicit, njëri luajti rol kyç

Thuhet se ish-lojtari i Portos nuk ishte i sigurt përballë bashkëlojtarit të tij e kombëtarja e Brazilit, Ederson, të cilin e njeh shumë mirë.

Në vend të kësaj, Modric dhe Lucas Vazquez u përzgjodhën të dy – me këtë të fundit që shënoi me gjakftohtësi penalltinë e tij.

Ndryshe, 14 herë kampioni i Evropës tani do të takohet me Bayern Munich në gjysmëfinale të Ligës së Kampionëve. /Telegrafi/