Aksidenti me të vdekur në rrugën Tetovë – Kodra e Diellit, nuk dihen arsyet
Mbeten ende mister arsyet e aksidentit të fundjavës në rrugën e Kodrës së Diellit, kur një makinë ra në humnerë rreth 100 metra poshtë në greminë, duke i shkaktuar vdekjen një 80-vjeçari, shtetas i Austrisë.
Rasti u paraqit nga motoçiklistë të rastit, dhe zjarrfikësit dhe policia që mbërritën pas 15 minutash, veçse konstatuan vdekjen e të moshuarit nga Vjena. Sipas të dhënave të policisë,
“Më datë 7.4.2024 rreth orës 17:20 në SPB – Tetovë u raportua se në rrugën rajonale Tetovë – Kodra e Diellit në hyrje të Rasadishtës së Tetovës, automjeti i pasagjerëve “Suzuki” me targa austriake, i drejtuar nga. E.W. (80) nga Vjena – Republika e Austrisë, ka dalë nga rruga. Në aksident, drejtuesi i cili ishte i vetëm në automjet ka ndërruar jetë si pasojë e plagëve të marra. Një mjek nga Emergjenca mjekësore ka konstatuar vdekjen, ndërsa në vendin e ngjarjes kryen inspektim prokurori publik dhe ekipi inspektues nga SPB- Tetovë”, thonë nga Policia e Tetovës.
Megjithatë, dyshimet për këtë aksident u shtuan kur ndër sendet e gjetura është vërejtur një çantë me para. Kjo nuk shënohej në buletinin paraprak të policisë, por më vonë, nga SPB-ja thanë se hetimet nuk janë mbyllur ende dhe materiali akoma nuk i është dorëzuar prokurorisë. Nga njësiti i zjarrfikësve pranuan gjetjen e një sasie parash por thanë se ato i kanë kaluar policisë.
“Arritëm shpejt me policinë e Tetovës dhe ca motoristë që kishin ngel pas veturës që e kishin parë rastin. Pamë edhe viktimën jashtë veturës. Gjëra të dyshimta si alkool apo diçka të rrezikshme nuk kishte. Ishte një rënie e thellë e makinës diku 150 metra. Viktima ishte jashtë makinës, gjërat po ashtu të shpërndara jashtë. Ka edhe fotografi dhe gjëra që dokumentuam, pamë rreth veturës të holla si dinarë të Serbisë, euro dhe denarë të Maqedonisë së Veriut. Në një çantë, në një pjesë të saj, sipas të dhënave që panë dhe zjarrfikësit tjerë, kishte një shumë më të madhe parash që i kishte poseduar viktima. Një sasi më e madhe e eurove”, tha Avni Ameti, shef i NJTKZ – Tetovë.
Policia e Tetovës thotë se të gjitha sendet e gjetura janë aktualisht në Stacionin Policor të Tetovës. Deri tani, gati është vetëm raporti paraprak i mjekësisë, për vdekje si pasojë e gjakderdhjes së brendshme.
Por, rasti ende nuk ka përgjigje për itinerarin e mëhershëm që ka pasur shtetasi austriak nëpër Tetovë, prej nga vinte, kë takonte dhe përse i nevojitej kjo shumë parash.
Megjithatë, për rastin është njoftuar edhe Departamenti për Bashkëpunim Ndërkombëtar Policor, Ministria e Jashtme, Ambasada e Austrisë si dhe Zyra e Interpolit.
Promo
Reklamo këtuLufta Prigozhin - Putin
Më shumëGazetarja e RTK-së sulmohet nga qentë endacakë në Prishtinë
Çka deklaroi para trupit gjykues serbi i akuzuar për vrasjen e Oliver Ivanoviqit
Abdixhiku-Kurtit: Jep dorëheqje, cakto datën e zgjedhjeve - LDK do ta caktojë festën
Bislimi jep detaje për takimin në Bruksel: Propozimet e Serbisë ishin për legalizimin e strukturave paralele
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Një pishinë e brendshme 1600-vjeçare, e para e këtij lloji zbulohet në Shqipëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3