Zgjedhje të parakohshme parlamentare mund të ketë gjatë vitit 2024. Analistët vlerësojnë se nga partia në pushtet ka tendencë që vendin ta çojnë në zgjedhje gjatë verës, ku në Kosovë është edhe numri më i madh i diasporës.
Analisti Arton Demhhasaj duke komentuar situatën aktuale politike thotë se gjasat që këtë vit të ketë zgjedhje të parakohshme parlamentare janë të mëdha.
Për Telegrafin, Demhasaj thekson se LVV pretendon që të ketë zgjedhje në verë, kur në Kosovë është numri më i madh i bashkatdhetarëve.
“Bazuar në deklarimet që po i bëjnë zyrtarët e subjekteve politike, gjasat po më duket që janë maksimale që të ketë zgjedhje këtë vit. Tash se në cilën kohë, kjo mbetet për t’u parë. Por, po vërehet një tendencë e partisë në pushtet që zgjedhjet të mbahen diku ka korriku, eventualisht në gusht, pasi diaspora është me numër më të madh në Kosovë, dhe ata pretendojnë që kanë shumicën e votave të diasporës”, theksoi ai.
Kurse, sipas Demhasajt, partitë opozitare kanë më shumë tendencë që zgjedhjet të mbahen në vjeshtë.
“Në anën tjetër, partitë opozitare po kanë tendencë që zgjedhjet të mbahen në vjeshtë, jo në verë. Ky vit edhe ashtu do të jetë vit zgjedhor, më së largu kur zgjedhjet ishte dashur të shpallen është janari i vitit 2025, kështu që më shumë gjasë nuk do të pritet janari i vitit 2025, por do të mbahen në vjeshtë, apo në verë”, u shpreh ai.
Sa i përket koalicioneve parazgjedhore, Demhasaj thotë se përveç AAK-Nisma nuk sheh ndonjë koalicion tjetër mes subjekteve politike.
“Ne kemi parë AAK-Nismën që kanë lidhur koalicion parazgjedhor, aty kanë përfshirë edhe disa iniciativa të reja, siç ishin intelektualët dhe konservatorët. Partitë tjera kanë mbetur edhe PDK dhe LDK, që më shumë gjasë nuk mund të bëjnë koalicion”, tha ai.
Gjithashtu, ai komentoi edhe partitë tjera si PSD dhe Lista Guxo.
“PSD po ashtu është partie e vogël, e cila është deklaruar që do të garojë e vetme. Në anën tjetër, Lista Guxo në një farë mënyre nuk dihet a do të mbetet me LVV-në, apo do t’i kthehet LDK-së, pasi që gjasat janë minimale që të ketë përqindje të votave”, tha ndër tjera Demhasaj.
Analisti po ashtu shtoi se mund të ndodhë që PDK t’i bashkohet koalicionit AAK-NISMA.
“Pra, mund të konsiderohet ribashkim i partive që kanë dalë nga krahu i luftës. Por koalicione tjera nuk mund të këtë”, nënvizoi Demhasaj,
Për analistin tjetër, Dukagjin Gorani opsionet janë të hapura, ai tha se mund të ketë zgjedhje nacionale në fillim të verës por edhe në vjeshtë.
“Opsionet janë të hapura, mund të kemi zgjedhje nacionale në fillim të verës, mund të kemi edhe në mbarim të verës. Gjithçka varet edhe prej vizitës së paralajmëruar e Gabriel Escobar në Kosovë.
Një pjesë e përgjigjes ndodhet në rezultatin e asaj vizite, situata është e tensionuar në raportet Prishtinë – Washington. Ta shohim në parim mendoj që është një situatë e paqartë, është vetëm Qeveria dhe partia në pushtet që mund ta bëjnë sqarimin e kësaj”, ka potencuar Gorani për Telegrafin.
Gorani foli edhe për koalicionet e mundshme parazgjedhore.
“NISMA– AAK, ky koalicion duket të jetë logjik dhe të këtë një qëllim, pra një përpjekje për mobilizim opozitar. U mbetet tash partive tjera, ta qartësojnë nëse do të ketë përpjekje të ngjashme, apo nëse do t’i bashkohen këtyre përpjekjeve, apo nëse do të vazhdohet tradita e daljes në zgjedhje në mënyrë individuale. Siç po shihet për momentin, ekziston vetëm kjo përpjekja e AAK-NISMA , si një front opozitar, mirëpo, shumë çka do të varet edhe nga shpejtësia e organizimit dhe orari i zgjedhjeve”, deklaroi ai.
Gorani u shpreh se lidhja e koalicioneve varet edhe nga koha se kur caktohen zgjedhjet.
Kujtojmë se, lideri i Lëvizjes Vetëvendosje kishte marrë besimin e 67 deputetëve të Kuvendit të Kosovës para tri vitesh, ndërsa kundër tij kishin votuar 30 deputetë./Telegrafi/
Promo
Reklamo këtuLufta Prigozhin - Putin
Më shumëPas largimit të Escobarit dhe Lajçakut, Serwer: Lamtumirë dështimit, dialogu kërkon riformatim
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Kusari-Lila demanton Vlora Çitakun: Me PDK-në s’kemi biseduar për zgjedhjet
Gjenerali amerikan, Garffer merr detyrën e shefit të shtabit të KFOR-it në Kosovë
Vajzën ia vranë në Fushë Kosovë, prindërit e argjentinases Clara vijnë në Kosovë
Pamjet e fundit para tragjedisë, Alma dhe fëmijët nisen drejt urës së Bunës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër