Shënohet 9 vjetori i themelimit të Lëvizjes Besa, Kasami: Rrugëtimi ynë nuk ka qenë i lehtë, vazhdojmë më të fuqishëm

Lëvizja BESA në qytetin e Manastirit sot festoi nëntë vjetorin e themelimit të partisë, e cila përkon pikërisht me ditën e alfabetitshqip.

Të pranishëm në këtë organizim ishin anëtarët e kryesisë, kuvendarë, anëtarët e degës së Manastirit dhe zonës numër pesë.

Kryetari i Lëvizjes Besa mes tjerash në këtë manifestim tha se para 9 vite për shqiptarët e Maqedonisë së Veriut u shfaq drita e shpresës, u themelua Lëvizja Besa, si një force politike autentike që me përgjegjësi, ndershmëri dhe përkushtim maksimal do të artikulojë këtë pozicion të nëpërkëmbur të shqiptarëve dhe do të shpalosë një vizion tjetër për shqiptarët e Maqedonisë së Veriut të bazuar në dinjitetin kombëtar dhe në afirmimin e vlerave më të mira të politikbërjes.

“Ne tashmë jemi zëri i fuqishëm i vullnetit të shqiptarëve në Maqedoninë e Veriut. Lëvizja Besa ka vizionin, energjinë dhe gjithë përkushtimin për të çuar përpara kauzën kombëtare për barazi të shqiptarëve dhe ëndrrën e tyre për të qenë pjesë e vlerave evropiane”, thuhet në komunikatë./Telegrafi/