LAJMI I FUNDIT:

Takimi Kurti-Allen, kryeministri shpreh shqetësimin për kërcënimet nga Serbia dhe lënien në liri të Radoiçiqit

Takimi Kurti-Allen, kryeministri shpreh shqetësimin për kërcënimet nga Serbia dhe lënien në liri të Radoiçiqit

Kryeministri i Kosovës, Albin Kurti, mirëpriti sot nënsekretaren e Departamentit të Shtetit amerikan për Çështje dhe Diplomaci Publike, Elizabeth Allen.

Ai i uroi mirëseardhje nënsekretares Allen, e cila po e viziton Kosovën për herën e saj të parë.

“Shtetet e Bashkuara të Amerikës janë aleatja, mikja dhe partnerja jonë historike, aktuale dhe e së ardhmes, andaj presim që të fuqizojmë dhe thellojmë bashkëpunimin bilateral, veçanërisht në fushën e ekonomisë dhe tregtisë”, theksoi kryeministri në fillim të takimit, teksa shprehu mirënjohjen dhe falënderimin për ndihmën, rolin dhe kontributin e Shteteve të Bashkuara për çlirimin, pavarësimin dhe zhvillimin e Republikës së Kosovës.

Siç njofton zyra e kryeministrit, gjatë bashkëbisedimit, Kurti e njohu nënsekretaren Allen me zhvillimet e fundit në vend, me progresin e shënuar në vitet e fundit në sundimin e ligjit dhe indikatorët ekonomikë dhe demokratikë, me politikat sociale që mbështesin gratë dhe fëmijët, reformën në arsim me qëllim ndërlidhjen e arsimit me tregun e punës, dhe me politikat dhe investimet në sektorin e energjisë.

“Për këtë të fundit, ai falënderoi nënsekretaren Allen për mbështetjen e vazhdueshme të Shteteve të Bashkuara përmes USAID-së në përgatitjen dhe përmbylljen e suksesshme të ankandit të parë të energjisë solare dhe programit Kompakt të Korporatës së Sfidave të Mijëvjeçarit (MCC) i cili hyri në fuqi në fund të muajit të kaluar”, thuhet nw njoftimin pwr media.

Në takim, kryeministri ngriti brengën e tij mbi kërcënimet e vazhdueshme të Serbisë ndaj Kosovës, edhe për faktin që autori dhe lideri i grupit të terroristëve dhe paramilitarëve që ekzekutuan sulmin e 24 shtatorit 2023 në Banjskë, Millan Radoiçiq, vazhdon të jetë i lirë në Serbi.

U diskutua edhe për raportet Kosovë-Serbi dhe procesin e dialogut të ndërmjetësuar nga Bashkimi Evropian. Për këtë çështje, kryeministri Kurti theksoi rëndësinë e zbatimit të plotë e të pakushtëzuar të Marrëveshjes Bazike dhe aneksit të saj.

Nënsekretarja amerikane pas takimit me Kurtin: Kosova i takon BE-së dhe NATO-s
Lexo po ashtu Nënsekretarja amerikane pas takimit me Kurtin: Kosova i takon BE-së dhe NATO-s

“Sa i përket rrugëtimit të Kosovës në integrimet evropiane, ai shprehu keqardhjen e tij që Komiteti i Ministrave të Këshillit të Evropës nuk pati gatishmëri që ta përfshijë Kosovën në agjendën e votimit të 17 majit, duke marrë parasysh se Kosova i ka plotësuar të gjitha kriteret e anëtarësimit në këtë organizatë, siç është konfirmuar edhe nga instancat e vetë kësaj organizate, përfshirë Asamblenë Parlamentare, dhe kur dihet që anëtarësimi i ynë do t’i kontribuonte forcimit dhe promovimit të të drejtave të njeriut”, thuhet në njoftim.

Sot gjatë ditës, Republika e Kosovës dhe Shtetet e Bashkuara të Amerikës nënshkruan një marrëveshje të mirëkuptimit kundër manipulimit të informacionit nga shtetet e huaja. /Telegrafi/

Në trend Lajme

Më shumë
Dosja ndaj të dyshuarëve për spiunazh - 'Kanë udhëtuar shpesh në Serbi'

Dosja ndaj të dyshuarëve për spiunazh - 'Kanë udhëtuar shpesh në Serbi'

Drejtësi
Nis takimi Bislimi – Lajçak në Qeveri

Nis takimi Bislimi – Lajçak në Qeveri

Lajme
I akuzuari Muhamet Alidemaj thotë se kur ndodhi masakra e Izbicës, kishte qenë tek axha duke e festuar Bajramin

I akuzuari Muhamet Alidemaj thotë se kur ndodhi masakra e Izbicës, kishte qenë tek axha duke e festuar Bajramin

Drejtësi
Kurti tha se partitë opozitare nuk mund t'i shtyjnë zgjedhjet pafundësisht, flasin nga LDK-ja dhe AAK-ja

Kurti tha se partitë opozitare nuk mund t'i shtyjnë zgjedhjet pafundësisht, flasin nga LDK-ja dhe AAK-ja

Mirjeta Hajzeraj
Nënshkruhet marrëveshja, Izraeli heq zyrtarisht vizat për Kosovën

Nënshkruhet marrëveshja, Izraeli heq zyrtarisht vizat për Kosovën

Lajme
Temperaturat e larta, doktoresha Pranvera Krasniqi, jep disa këshilla për të moshuarit dhe fëmijët

Temperaturat e larta, doktoresha Pranvera Krasniqi, jep disa këshilla për të moshuarit dhe fëmijët

Lajme
Kalo në kategori