Liga Premier është duke konsideruar një ‘ndryshim të madh’ në VAR, mes ankesave të Mikel Artetas

Liga Premier do të konsiderojë zbatimin e një ‘ndryshimi të madh’ në VAR mes ankesave nga trajnerët si Mikel Arteta i Arsenalit.

VAR ka qenë një temë e nxehtë diskutimi që kur u prezantua për herë të parë në Ligën Premier për sezonin 2019/20.

Por një seri vendimesh të diskutueshme në kohët e fundit, mbi katër vjet që kur VAR u përdor për herë të parë , ka çuar në rritje të debatit mbi mënyrën se si funksionon dhe si duhet të funksionojë në të ardhmen.

Nga ylli i Liverpoolit , Luis Diaz që pa golin e tij kundër Tottenhamit të anulohej për pozicion jashtë loje për shkak të gabimit të gjyqtarëve, deri në një numër penalltish të diskutueshme dhe thirrje jashtë loje, shumë besojnë se VAR-i duhet të ndryshojë.

Lexo po ashtu Nuk u përmbajt me deklarata për VAR-in dhe gjyqtarin, a do të dënohet Arteta

Një nga ata që mendon kështu është Mikel Arteta , i cili u zemërua me vendimin e gjyqtarëve për të lejuar që goli i Anthony Gordon të qëndroj si i rregullt në humbjen me rezultat minimal 1-0 të “Topçinjve” ndaj Newcastle javën e kaluar.

“Është e pabesueshme. Ndihem i turpëruar, por duhet të jem ai që do të hyj këtu dhe do të përpiqem të mbroj klubin dhe ju lutemi kërkoni ndihmë, sepse është një turp absolut që lejohet ky gol”, kishte thënë tekniku spanjoll pas ndeshjes.

Një panel i pavarur më vonë vendosi se VAR mori vendimin e duhur për të lejuar golin në atë rast, por Liga Premier thuhet se ende po shikon mënyra për të ndryshuar teknologjinë.

Lexo po ashtu Arteta i nervozuar pas humbjes nga Newcastle: I turpëruar për atë që ndodhi në këtë ndeshje

Sipas Daily Mail , liga po shqyrton emërimin e një operatori të ri VAR, me operatorin aktual Hawk-Eye që skadon në fund të sezonit 2024/25.

Hawk-Eye ka arritur sukses të madh në kriket , me teknologjinë e tij të gjurmimit të topit që tregon se si topi lëviz në ajër pasi të jetë ngritur. Teknologjia përdoret gjithashtu në ragbi dhe tenis me efekt të madh.

Hawk-Eye është përgjegjës për teknologjinë e vijës së portës së përdorur në Ligën Premier, e cila, ndryshe nga VAR, ka parë një shkallë suksesi vazhdimisht të lartë./Telegrafi/