Ish-kampioni i botës në boks realizoi nokaut të frikshëm në debutimin në MMA

Ish-kampioni WBO në peshën e kryqëzuar, Krzysztof, bëri një fillim elektrizues të karrierës së tij MMA në KSW Colosseum 2.

Duke bërë debutimin e tij brenda kafazit kundër luftëtarit Patryk Tolkaczewski, Glowacki menjëherë i gjeti mjetet kryesore që e dërgonin drejt fitores.

Mungesa e përvojës së 36-vjeçarit në përballje dukej sikur mund të kishte rezultuar në humbje, mirëpo ndodhi e kundërta.

Tolkaczewksi u rrëzua pasi u godit nga Glowacki, me këtë të fundit që mori iniciativën duke goditur kundërshtarin përpara se arbitri të ndërhynte për të ndaluar luftën.

Pasi bëri debutimin e tij në boksin profesionist në vitin 2008, Glowacki arriti një rekord të 26-0 duke fituar titullin WBO dhe duke mposhtur ish-kampionët e botës Richard Hall, Marco Huck dhe Steve Cunningham gjatë asaj periudhe.

Megjithatë, luftëtari polak do të rrëzohej nga froni nga Oleksandr Usyk në 2016 dhe në 2021 u mund nga Lawrence Okolie në një përpjekje për të fituar përsëri titullin.

Glowacki për herë të fundit konkurroi në janar, ku u ndalua në raundin e katërt nga ish-kampioni britanik i peshës së kryqëzuar, Richard Riakporhe. /Telegrafi/

KNOCKED OUT from FULL MOUNT! 🤯

Former WBO cruiserweight champ 🇵🇱 Krzysztof Głowacki is dangerous from anywhere!!

XTB #KSWColosseum2 pic.twitter.com/7pZI71yaPX

— KSW (@KSW_MMA) June 3, 2023