Komisioni për Politikë të Jashtme të Parlamentit Evropian (AFET) në një raport të miratuar ka shprehur shqetësimin për emërimin e Aleksandar Vulinit në krye të Agjencisë serbe për Siguri dhe Informim (BIA).
Po ashtu, në këtë raport “dënohet” mosvendosja e sanksioneve nga ana e Serbisë kundrejt Rusisë, pas agresionit ushtarak në Ukrainë.
Serbisë i kujtohet se si vend kandidat për anëtarësim në Bashkimin Evropian (BE), duhet t’u përmbahet parimeve dhe politikave evropiane.
“Koordinimi me regjimin autokratik [Rusia] është i papranueshëm dhe marrëdhëniet e ngushta të Serbisë me Rusinë janë të dënueshme”, thekson raporti i AFET-it.
Autori i raportit Vladimir Biliqik është shprehur se Serbia mbetet i vetmi vend që nuk është rreshtuar me politikën e jashtme të BE-së sa i përket sanksioneve.
“Ndikimi i Rusisë mbetet problem në Serbi – dhe raporti im përmend disa shembuj se kur dhe pse mbetet i tillë”, tha Bilqik pas miratimit të raportit.
Retorika pro-Kremlin e Vulinit
Një paragraf i veçantë në raportin e miratuar i referohet emërimit të Vulinit në krye të BIA-s.
“Parlamenti Evropian është i shqetësuar për emërimin e drejtorit të Agjencisë për Siguri dhe Informim (BIA), i cili njihet për retorikën e tij kundër BE-së dhe pro-Kremlinit”, vijon raporti.
Po ashtu, dokumenti shpreh keqardhjen për faktin se “komponentët kryesorë të politikës së jashtme serbe janë në kundërshtim të drejtpërdrejtë me qëndrimet e BE-së”, dhe në këtë kuptim përmend nënshkrimin e marrëveshjeve që përcaktojnë prioritetet e përbashkëta të politikës së jashtme të Serbisë dhe Rusisë për periudhën 2023-2024, si dhe takime me zyrtarë të lartë nga Rusia që janë në listën e sanksioneve të BE-së.
Shqetësimet për rënien e mbështetjes për anëtarësim në BE
Raporti i miratuar shpreh shqetësim edhe për uljen e mbështetjes publike për anëtarësimin e Serbisë në BE.
Vlerësohet se ky është rezultat i retorikës politike të gjatë anti-BE dhe pro-ruse që “është shpërndarë gjerësisht përmes medieve të kontrolluara nga Qeveria, si dhe nga zyrtarët e Qeverisë dhe dështimi i madh i palës zyrtare për t’u përballur me të kaluarën e Serbisë”.
Eurodeputetët i kanë bërë thirrje BE-së të rishikojë shtrirjen e ndihmës financiare që i jep Serbisë nëse vazhdon të mbështesë regjimet anti-demokratike dhe i bëjnë thirrje Komisionit Evropian të sigurojë që të gjitha shpenzimet e BE-së të jenë plotësisht në përputhje me strategjinë, qëllimet dhe interesat e saj.
Për këtë raport votuan 43 përfaqësues të AFET, gjashtë ishin kundër dhe pesë abstenuan. /Telegrafi/
Lufta Prigozhin - Putin
Më shumëJaponia ka nëntë milionë shtëpi të lira - kjo po llogaritet si problem për shtetin aziatik
Nuk i hapet rrota e përparme, Boeing mezi aterroi në aeroportin e Stambollit
Një i pastrehë hyri në një apartament, pasi mori gjësende me vlerë rreth 4000 euro vendosi të bënte një sy gjumë: Kur hapi sytë, po e priste një ‘befasi’
Kandidati për president amerikan thotë se krimbi hyri në trurin tim dhe hëngri një pjesë të tij
Historia e trishtueshme e njeriut që nuk është pastruar për 60 vjet - mjekja tregon se pse ai e shmangu ujin e sapunin
Izraeli vret komandantin e forcave detare të Hamasit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?