Jo vetëm Liverpooli, edhe dy top klubet tjera angleze pas Gravenberch

Ryan Gravenberch do të largohet nga Bayern Munichu vetëm pas një viti qëndrim në Allianz Arena.

Mesfushori holandez iu bashkua gjigantit gjerman në verën e vitit 2022 nga Ajax, po ai nuk ka arritur të lë gjurmë te rekordmenët e Gjermanisë.

20-vjeçari ka qenë shumicën e ndeshjeve në bankën rezervë, derisa ka zhvilluar vetëm 27 ndeshje ku kryesisht është inkuadruar në minutat e fundit.

Reprezentuesi holandez ka vendosur të largohet në verë dhe Liverpooli mbetet skuadra favorite për të nënshkruar me të.

Por garës për t’i fituar shërbimet e holandezit i janë bashkuar edhe dy top klubet tjera angleze Manchester United dhe Arsenal.

Gravenberch është i gatshëm të bëhet me klub të ri dhe po shqyrton alternativat para se të marrë vendimin për të ardhmen, pasi dëshiron që të luaj rregullisht.

Lexo po ashtu Bellingham i paarritshëm, Liverpooli tenton transferimin e Gravenberch

As trajneri i ri i Bayernit, Thomas Tuchel nuk llogarit shumë në të dhe bavarezët do ta lënë të lirë të largohet në verë për ofertën e duhur.

Lideri aktual i Bundesligës synon që nga shitja e Gravenberch të fitoj rreth 30 milionë euro. /Telegrafi/