Po merr licencën e trajnerit UEFA A, Berisha i kënaqur me profesionalizmin që ka gjetur në Shqipëri
Edicioni i radhës i kursit për trajnerë të licencës “UEFA A”, që është edhe niveli i dytë për nga rëndësia e licencave të një trajneri, ka nisur në fillim të muajit janar dhe do të zgjasë për 6 muaj me një program e kurrikul të përgatitur nga UEFA në bashkëpunim me Sektorin e Edukimit në Federatën Shqiptare të Futbollit.
Në këtë edicion marrin pjesë shumë emra të njohur, të cilët kanë një karrierë të pasur si futbollistë e tashmë kanë vendosur të vijojnë të punojnë në botën e bukur të futbollit në rolin e trajnerit.
Një prej tyre është edhe Besart Berisha, ish-futbollist i njohur i Kombëtares shqiptare, i cili po ndjek studimet për t’u pajisur me licencën e trajnerit UEFA A dhe vlerëson shumë punën që po bën FSHF përmes Sektorit të Edukimit në formimin e profesionistëve.
Pasi la futbollin e luajtur dy sezone më parë Berisha po punon për të marrë sa më shumë eksperiencë si trajner për të pasur mundësi në të ardhmen që të bëhet një teknik i suksesshëm futbolli.
“Aktualisht jam i përqendruar vetëm te ndjekja e kurseve për marrë licencat e trajnerit, në mënyrë që të përgatitem sa më mirë për të punuar së shpejti si trajner. Pasi e mbylla me futbollin e luajtur 2 vite e gjysmë më parë, tani po merrem vetëm me formimin si trajner për t’u pajisur me licencat e UEFA-s dhe për t’u përgatitur maksimalisht si trajner. Jam shumë i kënaqur me organizimin dhe me punën që po bën FSHF-ja me kursin e trajnerëve, lektorët janë shumë profesionale dhe na përgatisin më së miri përmes leksioneve për sfidat që do të kemi në këtë profesion në të ardhmen”, – thotë ish-sulmuesi kuqezi në një intervistë për Fshf.org.
Berisha gjithashtu shprehet i kënaqur me nivelin e kursit, ndërsa është i bindur për të vazhduar më tej në formimin e tij edhe me licencën UEFA Pro, që është edhe niveli më i lartë për një trajner e me të cilën mund të drejtoje çdo lloj skuadre nëpër botë.
“Kurset e FSHF-së për trajnerë janë të një niveli shumë të lartë, personalisht jam shumë i kënaqur me profesionalizmin që kam gjetur këtu, besoj dhe shpresoj që të gjitha pjesëmarrësve në kurs kjo eksperienca na ndihmon shumë në punën tonë dhe na përgatit për sfidat që na presin. Pasi të kem marrë licencën UEFA A unë synoj të vazhdoj procesin e formimit për të zotëruar edhe licencën UEFA Pro në të ardhmen, sepse kam dëshirë të aktivizohem si trajner me një skuadër të nivele të larta dhe hap pas hapi me përvojën që do të përftoj si trajner edhe me licencën UEFA A të kem mundësi të ngjis shkallët e karrierës”, – shton ish-futbollisti i njohur.
Kursi UEFA A aktualisht po zhvillohet në ambientet e Shtëpisë së Futbollit, një investim madhor që ka transformuar infrastrukturën sportive e që ofron kushte të shkëlqyera stërvitjeje dhe pune për të gjitha ekipet Kombëtare apo edhe për Sektorin e Edukimit. Duke parë këtë transformim Berisha vlerëson punën e bërë nga Federata Shqiptare e Futbollit dhe mbështetjen e madhe që i jep futbollit shqiptar në vazhdimësi.
“Më pëlqen shumë mënyra se si është zhvilluar infrastruktura këtu, ka një ndryshim të madh krahasuar me periudhën kur unë isha futbollist i Kombëtares. Më vjen shumë mirë kur shoh këtë zhvillim kaq të madh të FSHF-së dhe njëkohësisht dua ta falënderoj FSHF-në pasi gjithmonë më ka përkrahur, jo thjeshtë si lojtar, por tashmë edhe si trajner që po formohem me kurset profesionale. Arritja është absolutisht edhe një meritë e Presidenti të FSHF-së, Armand Duka, dhe besoj që ka bërë një punë shumë të madhe për FSHF-në”, – thekson Besart Berisha në prononcimin e tij.
Lufta Prigozhin - Putin
Më shumëNga Rubrika
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
A di të ndalet ky Ronaldo? Çfarë goli me këmbën e majtë
Pse Real Madridi dhe Barcelona mund të përjashtohen nga Liga e Kampionëve
Arsyeja pse Borussia Dortmund njihet si 'BVB' edhe pse nuk ka të bëjë me emrin e klubit
Hazard më në fund i kundërpërgjigjet Kroosit për deklaratën goditëse rreth formës së belgut te Real Madridi
Njihuni me bukuroshet shqiptare që morën vëmendjen e të gjithëve në Allianz Arena
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës