Përmes platformës online “Zoom”, të enjten, nga zyrtar të Dhomave të Specializuara të Kosovës (DhSK), është bërë e ditur se Gjykatësi i Procedurës Paraprake njoftoi Kryetaren Ekaterina Trendafilova se çështja gjyqësore kundër Pjetër Shalës do të jetë gati për t’iu kaluar një trupi gjykues të mërkurën më 21 shtator dhe se Kryetarja tani do të caktojë trupin gjykues në këtë çështje.
Gjatë konferencës për medie të mbajtur të enjten, u dhanë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.
Tutje, u njoftua se këtë javë, Zyra e Prokurorit të Specializuar, mbrojtësja e viktimave dhe Mbrojtja po bëjnë deklaratat përmbyllëse të tyre në gjykimin e Salih Mustafës.
“Të martën, Prokurori i Specializuar i kërkoi Trupit Gjykues të shpallë Mustafën fajtor në lidhje me të gjitha krimet e paraqitura në Aktakuzë dhe shqiptojë një dënim të njësuar me 35 vjet burgim. Të mërkurën, mbrojtësja e viktimave bëri deklaratën e saj para Trupit Gjykues në lidhje me ndikimin e krimeve të pretenduara mbi viktimat pjesëmarrëse në këtë proces. Pas deklaratës së mbrojtëses së viktimave, Mbrojtja bëri deklaratën e vet përmbyllëse. Mbrojtja i kërkoi Trupit Gjykues ta shpallë Sali Mustafën të pafajshëm në lidhje me të gjitha krimet e paraqitura në Aktakuzë”, u tha tutje.
Në vijim është bërë e ditur se seancat publike në këtë gjykim vazhduan edhe sot, me vazhdimin e deklaratës përmbyllëse të mbrojtjes.
“Pjesë e rendit të ditës të seancës janë edhe përgjigjet, pyetjet e Trupit Gjykues dhe deklaratat e mbrojtëses së viktimave dhe Mbrojtjes në lidhje me zhdëmtimet. Sa u përket hapave të ardhshëm në këtë proces gjyqësor, në përputhje me Rregulloren e Procedurës dhe të Provave, pasi Trupi Gjykues ta deklarojë çështjen gjyqësore të mbyllur, gjykatësit fillojnë kuvendimet për të marrë vendimin e gjykimit”, njoftoi DhSK.
Gjithashtu, u tha se më 8 shtator, mbrojtësit e Rexhep Selimit, Kadri Veselit dhe të Hashim Thaçit dorëzuan apelet e tyre me shkrim kundër vendimit të Gjykatësit të Procedurës Paraprake mbi trajtimin e informacionit konfidencial gjatë hetimeve dhe kontaktet me dëshmitarët e palës kundërshtare.
Kurse, u bë e ditur se në prag të aktivitetit të Kryetares së DHSK-së Trendafilova në kuadër të Programit për Komunikim dhe Ndërgjegjësim, me përfaqësues të shoqërisë civile dhe gazetarë në Gjilan javën e ardhshme më 21 shtator, u kujtojnë gazetarëve që dëshirojnë të marrin pjesë në këtë aktivitet të regjistrohen për pjesëmarrje më së voni deri nesër, e premte.
Ndryshe, Dhomat e Specializuara të Kosovës në Hagë, çdo të enjte, në orën 14:30, përmes platformës online “Zoom” mbajnë informim javor ku ofrojnë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë, njofton betimiperdrejtesi./Telegrafi/
Promo
Reklamo këtuLufta Prigozhin - Putin
Më shumëNga Rubrika
As ligji i ri nuk i ‘frenon’ shkelësit e rregullave në trafik – vetëm në Ferizaj gjatë prillit shqiptohen 5136 gjoba
“Fronti Europian” ndryshon datën, tubimin në Tetovë do ta mbajë më 5 maj
Kastrati vendos “delen” mbi foltore, i drejtohet Qeverisë: Populli nuk është dele, krejt jeni hajna
Parlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Hapi i fundit i Kosovës për anëtarësim në KiE, Serwer : Indinjata e Serbisë është e turpshme
"Kushtëzimi" i anëtarësimit të Kosovës në KiE, Musliu-Shoshi: Ndërkombëtarët nuk po kërkojnë asgjë çka nuk është dakorduar Kurti në marrëveshjen e Ohrit
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit