Sterling e cilëson si të shkëlqyer javën e tij të parë si lojtar i Chelseat

Ish-sulmuesi i Manchester Cityt, Raheem Sterling ka thënë se i është bashkuar Chelseat me synim për të fituar trofe dhe ndihet i lumtur me javën e parë si lojtar i Bluve.

Sterling doli nga bankina të mërkurën në mbrëmje kundër Charlotte FC për minutat e tij të para si lojtar i Chelseat, por nuk mundi të parandalonte që skuadra e tij e re të humbiste në penallti ndaj skuadrës së MLS.

I pyetur nga Chelsea TV se pse dëshironte të luante për Chelsean, anglezi tregoi se synon të fitojë trofe, ndërsa ka folur për gjithë javën e tij te Blutë.

“Duke parë në dy vitet e fundit se janë katër ose pesë finale në të cilat keni qenë, përparimi i ekipit, fitimi i Ligës së Kampionëve dhe tani po kërkoni të sfidoni për Ligën Premier, është diçka që më intrigoi kur isha duke biseduar me klubin”, ka thënë fillimisht Sterling.

A first glimpse of Raheem on the pitch. 👊@trivago bring you Ep 4 of the US Tour Diaries…#BluesInTheUSA

— Chelsea FC (@ChelseaFC) July 21, 2022

“Duke parë drejtimin në të cilin po shkon ekipi, është diçka që e pashë me të vërtetë dhe thjesht ndjeva se ishte një vend ku mund të gjeja veten. Thjesht mendoj se është platforma e përsosur për mua”.

“Klubi e ka tashmë atë mentalitet fitues, por për të vazhduar ta bëjë atë çdo vit dhe të vazhdojë të fitojë gjithnjë e më shumë trofe dhe të ndërtohet në sezonin e ardhshëm, mendoj se kjo është ajo që bëjnë menaxherët kryesorë si Thomas Tuchel”.

Chatting to Raheem Sterling on his move to the Blues! 💬

Watch now! ⤵️#BluesInTheUSA

— Chelsea FC (@ChelseaFC) July 21, 2022

“Nuk është një fitore e një viti dhe pushimi në vitin e ardhshëm, është përsëri dhe përsëri dhe përsëri dhe kjo është ajo që më emocionon të jem këtu. Është sfida përpara dhe të fitojmë më shumë trofe”.

Për 27-vjeçarin, Tuchel bëri një përshtypje të madhe tek ai gjatë diskutimeve të transferimit dhe shansi për të punuar më afër me disa fytyra të njohura ishte çelësi për të bërë ndryshimin.

Lexo po ashtu Bëhet virale video e Sterlingut që pyet bashkëlojtarin te Chelsea se çfarë pozicioni luan

“Unë nuk dua të hyj në shumë detaje në bisedat e mia me menaxherin. Ju mund të shihni se sa i sinqertë ishte dhe sa shumë më donte mua këtu, dhe kjo ishte gozhda për mua. Isha i sigurt se ky është një vend ku unë dua të jem”.

“Unë njoh disa nga djemtë e ekipit kombëtar. Mason, Chillëell, për të përmendur disa, dhe unë kam një lidhje të mirë me Callum tashmë. Ndihem si në shtëpinë time tashmë dhe thjesht po vazhdoj të bëj punën dhe mezi pres të luaj më shumë me ta”.

“Ka qenë një javë e parë e shkëlqyer, jam duke u vendosur me të vërtetë, tani ndihem si në shtëpinë time”, përfundoi ylli anglez. /Telegrafi/