Isco thumbon Mbappen në letrën e tij lamtumirëse te Real Madridi

Isco ka njoftuar largimin e tij nga Real Madridi përmes një postimi emocionues në rrjetet sociale – pasi ka kaluar nëntë sezone me kampionët e La Liga.

Numri 23 i Madridit fitoi medaljen e tij të pestë të Ligës së Kampionëve me Los Blancos në fundjavë – vetëm disa ditë përpara se të njoftonte largimin e tij nga klubi.

Spanjolli ka qenë më shumë jashtë se sa brenda skuadrës së Real Madridit për dy sezonet e fundit, por kjo nuk e ka penguar atë të shfaq dashurinë e tij për klubin në Instagram.

Në postimin e tij, Isco shkroi: “Isha në Malaga dhe e dija se duhej të shkoja. U lidha me një ekip tjetër. Por, Real Madridi trokiti në derën time dhe Real Madridit nuk mund dhe nuk duhet t’i thuhet jo, megjithëse ka gjithmonë përjashtime”.

“Mbaj mend që u thashë njerëzve të mi ‘f*** Madridi nuk e ka fituar Ligën e Kampionëve për shumë vite dhe kam një ndjenjë se është gati të vije dhe LA DECIMA erdhi, gjithçka që vjen më pas është tashmë histori”.

“Nëntë vite më vonë, koha ime në klubin që më bëri të mundur përmbushjen e të gjitha ëndrrave që kisha kur isha i vogël, merr fund”.

“Përveç përmbushjes së ëndrrave, fitimit të më shumë titujve nga sa kisha imagjinuar, duke luajtur me më të mëdhenjtë, duke takuar njerëz të jashtëzakonshëm”, thuhet mes tjerash në letrën e tij.

Pasi pretendoi se “ka gjithmonë përjashtime”, spanjolli përdori një emoji breshkash në lidhje me Kylian Mbappen – i cili së fundmi vendosi të refuzojë një lëvizje në Madrid.

Tifozët dhe lojtarët treguan shpejt dashurinë ndaj yllit që po largohej, me ish-mbrojtësin e Madridit, Raphael Varane, duke komentuar ‘Magia!!’ ndërsa Luka Modric zgjodhi një zemër të thjeshtë.

Mesfushori fitoi tre La Liga, pesë Ligë të Kampionëve dhe katër Kupa të Botës për Klube me Madridin. /Telegrafi/