Vendimet të cilat i kishin marrë strukturat paralele të Gjykatave në veri të Kosovës, mund të njihen në një të ardhme nga institucionet e Kosovës. Njohja e këtyre vendimeve mund të bëhet në rast se Serbia dorëzon këto lëndë paraprakisht në Këshillin Gjyqësor të Kosovës, gjë që edhe që edhe gati 5 vite më vonë, nuk ka ndodhur. Kjo pikë e marrëveshjes, ishte kundërshtuar edhe nga anëtarë të ekipit kosovarë, por juristë, procedurën që i prinë njohjes së tyre, nuk e shohin si problematike.
Qindra vendime janë marrë nga gjykatat paralele që kanë funksionuar në Kosovë.
Të njëjtat, sipas Marrëveshjes së Brukselit për Drejtësinë, evnetualisht do të mund të njiheshin nga institucionet e Kosovës.
Kjo, vetëm nëse Serbia paraprakisht ia dërgon lëndët Këshillit Gjyqësor të Kosovës.
Me përfshirjen e kësaj pike në marrëveshje, nuk ishte pajtuar ish-kryetari i Gjykatës së Apelit, Hasan Shala.
“Konsideroj që këtu është bërë një gabim i madh nga ana e komisionit tonë që e ka pranu një gjë të tillë, për shkak se Gjykatat Paralele nuk i kanë njoftë as UNMIK-u, por nuk i ka njoftë as EULEX-i. Ky komision i joni, ka vendosë që këto vendime, apo këto aktgjykime të këtyre Gjykatave t’i njoh dhe të jenë valide për zbatimin e tyre”, deklaroi Shala për RTV Dukagjinin.
Shala, asokohe ishte pjesë e komisionit për hartimin e draft-rregullores për validitetin e vendimeve të Gjykatave Paralele.
Ai tregon se me propozim të tij u vendos që marrëveshja të mos gjente menjëherë zbatim.
“Kemi ardhë në përfundim me propozimin tim në këtë komision, që ky draft nuk mund të miratohet për shkak se Serbia duhet t’i dorëzoj të gjitha lëndët dhe të arkivohen në Këshill Gjyqësor. Në mënyrë që të ketë qasje çdo qytetar në këto lëndë. Kjo ishte edhe arsyeja që të mos zbatohet apo të mos miratohet”, shtoi tutje Shala.
Megjithatë, kjo nuk i duket si shqetësim, Ehat Miftarajt nga Instituti i Kosovës për Drejtësi.
“Nuk është kjo pikë shqetësim sepse edhe nëse e lexojmë prapë marrëveshjen e drejtësisë, thuhet në mënyrë taksative se lëndët të cilat janë trajtuar nga Gjykatat Paralele, do të konsiderohen nga sistemi kushtetues-juridik i Kosovës, por që çdo kush që ka qenë subjekt i këtyre vendimeve të strukturave paralele, nëse janë të pakënaqur me këto vendime kanë të drejtë të bëjnë ankesë në Gjykatën Supreme të Republikës së Kosovës”, deklaroi Miftaraj.
Miftaraj vlerëson se marrëveshjet për drejtësinë të arritura mes Kosovës dhe Serbisë, janë prej pjesëve më të suksesshme të dialogut.
E kryesuesi i Këshillit Gjyqësor të Kosovës, Albert Zogaj, ka konfirmuar për Televizionin se procesi i njohjes së vendimeve akoma nuk ka filluar.
“Nuk mund ta paragjykojmë si proces, por deri tani nuk është funksionalizuar, pasi që dosjet nuk janë sjellë në Këshillin Gjyqësor të Kosovës. Ne do ta formojmë një komision dhe nëse ka raste, do të vlerësohen sipas procedurës së paracaktuar”, deklaroi Zogaj.
Gjykata Themelore e Mitrovicës, kishte funksionuar në komunën e Vushtrrisë deri në vitin 2017, prej kur edhe kishte filluar zbatimi i marrëveshjes për drejtësinë, e nënshkruar në shkurt të vitit 2015.
Me të përashihej integrimi në sistemin e Kosovës të gjykatësve e prokurorëve serb nga veriu i vendit.
Marrëveshja e Brukselit ka paraparë gjithashtu edhe disa ndryshime të tjera në gjyqësor për komunat me shumicë serbe në veri të Kosovës.
Një prej tyre edhe krijimi i një divizioni të veçantë të Gjykatës së Apelit, i cili në rastet kur palë në ndonjë rast është një serb, atëherë paneli i Apelit duhet të përbëhet nga dy gjyqtar serb dhe një shqiptar./RTV Dukagjini/Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak