Në Beleg të Deçanit, 23 vjet më parë, forca të shumta policore, ushtarake dhe paramilitare serbe vranë dhe masakruan 49 shqiptarë. Sot e kësaj dite mbetet mister fati i 34 të pagjeturve të këtij fshati.
Është njëra prej masakrave më të mëdha të kryera nga forcat paramilitare serbe, të cilat në pranverën e viti 1999 filluan një ofensivë të egër ndaj popullatës së Irzniqit dhe Belegut, një ditë pasi ata pësuan humbje nga Ushtria Çlirimtare e Kosovës.
Edhe sot e kësaj ditë fati i 34 të pagjeturve të këtij fshati si dhe fshatrave të tjera të Deçanit mbetet mister.
“Dikush thotë se ata i kanë dërguar në Serbi dhe i kanë bluar e bërë asfalt. Dikush tjetër thotë se trupat e tyre janë djegur, por në fakt ne asgjë për fatin e tyre nuk dimë”, fillon rrëfimin për RTV Dukagjinin Selim Mazrekaj, që i mbijetoi kësaj masakre.
Në atë kohë ishte 13-vjeçar, derisa 23 vite pas, nuk di asgjë për fatin e babait dhe dy vëllezërve të tij.
“Të zhdukur na thonë, por po presim mos po na i kthejnë nga Serbia”, shton Mazrekaj, përcjell Telegrafi.
Masakrën e kryen forcat serbe derisa nën tytat e armëve rreth 100 civilë ishin tubuar në oborrin e një shtëpie.
“Kemi dëgjuar britma duke i rrahur e maltretuar banorët. Ka pasur edhe dhunime, por vet nuk kam parë”.
Pas dhunës dhe torturave, të nesërmen serbët zbatuan një tjetër plan.
“Në mëngjes unë i lashë babën dhe dy vëllezërit që në atë kohë ishin 17 dhe 19 vjeç. Neve na nisën për në Shqipëri dhe ata na përshëndetën me dorë dhe nga ajo ditë nuk dimë më asgjë për fatin e tyre”.
Pos familjarëve të Selimit që nuk dihet asgjë për fatin e tyre, janë edhe 31 shqiptarë të tjerë që konsiderohen të zhdukur nga data 29 mars e vitit 1999.
Deri më tani janë gjetur vetëm trupat e 12 civilëve të vrarë.
Edhe Endrit Binakaj që i kishte mbijetuar asaj masakre, thotë se dihen përgjegjësit e asaj masakre.
“Kryerësit e masakrës janë njësitet lokale të forcave serbe, por edhe njësite tjera paramilitare, dhe që janë të shënuara me emër e mbiemër”, thotë Binakaj.
Ndonëse ekipe të hetuesisë, së pari nga UNMIK, pastaj edhe EULEX, ishin marrë me rastin, duke mbledhur dëshmi të shumta, deklarata të dëshmitarëve të drejtpërdrejt të prezantuara edhe në Tribunalin e Hagës, por edhe autopsinë e bërë të kufomave të krimit, deri më tash askush nuk është arrestuar./Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit