Personat që po vuajnë dënimin në burgjet e Kosovës, po vlerësohet se po përfitojnë pak nga Paneli për Lirim me Kusht.
Nga Këshilli për Mbrojtjen e të Drejtave e Lirive të Njeriut thonë se rreth 30% e të burgosurve në Kosovë plotësojnë kriteret për t’u liruar me kusht.
“Vlerësojmë se rreth 30% e personave të privuar nga liria meritojnë që të përfitojnë nga Paneli për lirim me kusht. Është e pakuptueshme që brenda vitit nga Paneli për Lirim me Kusht përfitojnë një numër shumë i vogël i tyre”, deklaroi për RTV Dukagjinin, Valentina Demolli.
Por me këto konstatime nuk pajtohet gjykatësi Rasim Rasimi, që për dy vite kryeson Panelin për lirim me kusht, i cili thotë se në të gjitha rastet kanë respektuar kriteret.
“Ne respektojmë kriteret e përcaktuara në bazë të rregullores. Në bazë të këtyre kritereve ne edhe kemi marrë vendimet që besoj se të gjitha kanë enë të arsyetuara dhe bazuara”, deklaroi Rasimi, përcjell Telegrafi.
Ai thotë se gjatë vitit 2021 janë trajtuar rreth 800 kërkesa për lirim me kusht.
Rreth 500 kërkesa janë refuzuar, derisa 300 prej tyre janë pranuar.
“E mbaj mend një rast që ka qenë i dënuar me 26 vite heqje lirie. Ai ka mbajtur 20 vite burg, derisa gjashtë tjera i janë falur pasi ka pasur sjellje të mira gjatë gjithë kohës së vlerësimit”, deklaroi tutje gjykatësi.
Por Valentina Demolli thotë se të pakta janë rastet kur personat përfitojnë nga lirimi me kusht.
“Numri i të falurve që përfitojnë nga ky panel është shumë i vogël. Edhe kur falen këta persona, falja është aq e vogël sa që as nuk mund të quhet falje. Ne mendojmë se ka shumë më tepër persona që plotësojnë kriteret për të përfituar nga ky panel”.
Seancat e Panelit për lirim me kusht nuk monitorohen nga KMDLNj apo organizatat tjera qeveritare, por ato monitorohen nga Avokati i Popullit.
Pesha e krimit, historia e kaluar kriminale dhe sjellja gjatë mbajtjes së vuajtjes janë vetëm disa nga kriteret që një i dënuar mund të fitojë lirimin me kusht.
Paneli për Lirim me Kusht është organ i veçantë dhe i pavarur në vendimmarrje, i themeluar nga Këshilli Gjyqësor i Kosovës në pajtim me dispozitat ligjore të Kodit Penal të Republikës së Kosovës dhe të Ligjit për Ekzekutimin e Sanksioneve Penale.
Paneli është kompetent për shqyrtimin e të gjitha kërkesave dhe propozimeve për lirim me kusht, në bazë të raporteve të përpiluara nga ekipet profesioniste të Institucioneve Korrektuese të Kosovës. Kundër aktvendimit të Panelit nuk lejohet ankesa dhe nuk mund të ngritet konflikt administrativ./Telegrafi/
Promo
Reklamo këtuLufta Prigozhin - Putin
Më shumëSi i zbuluan ushtarët britanikë “Dhomat e tmerrit” në Prishtinë
Kurban Bajrami të dielën, BIK njofton se në sa ora falet namazi
Rrëfimi i fotoreporterit që xhiroi largimin e forcave serbe nga Prizreni
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës
"Trupin e recepsionistit do ta digjnim në furrë", dëshmi tronditëse për vrasjen në Dhërmi
Osmani takon zv/presidenten amerikane Harris: Mirënjohës për mbështetjen e palëkundur amerikane
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Ndeshja Itali 2-1 Shqipëri në numra: Rekord historik, statistika mbresëlënëse dhe uragani kuqezi
Dominuam tribunën, por jo fushën – Shqipëria pëson ngushtë ndaj kampionit në fuqi të Evropës
Konferenca e paqes për Ukrainën, Zelensky: Në Zvicër do të shkruhet historia
Sylvinho reagon pas ndeshjes me Italinë: I kënaqur me paraqitjen, por jo me rezultatin
Kurban Bajrami të dielën, BIK njofton se në sa ora falet namazi
Notat e lojtarëve, Itali 2-1 Shqipëri: Shpëtojnë vetëm Bajrami dhe Gjimshiti, Bastoni lojtar i ndeshjes