Goli spektakolar i Iheanachos dhe dita e keqe e Salah në fitoren e Nigerisë ndaj Egjiptit

Nigeria e ka mposhtur Egjiptin (1-0) në ndeshjen e parë të fazës grupore në kuadër të Kupës së Kombeve të Afrikës.

Në sfidën e vlefshme për Grupin D që u zhvillua të martën ishte ylli i Leicester Cityt, Kelechi Iheanacho, që e shënoi golin me vlerën tri pikë.

Realizimi i nigerianit erdhi pas gjysmë ore lojë dhe në këtë mënyrë e ndihmoi përfaqësuesen e tij që të udhëheqë në grup.

Për më shumë, ky nuk ishte një gol dosido, por një gol spektakolar, pasi atij i mjaftoi një prekje për ta ndalur topin brenda zonës dhe një tjetër për ta mposhtur portierin Mohammed El Shenawy.

Kelechi Iheanacho thunderbstard top bins! #afcon #NGAEGY https://t.co/wwPggJ08NI

— Gilles 🇳🇬🏴󠁧󠁢󠁥󠁮󠁧󠁿 (@_Grimanditweets) January 11, 2022

Në anën tjetër, kjo ishte një ditë e vështirë për anësorin e Liverpoolit, Mohamed Salah, i cili ishte i izoluar në sulmin e Egjiptit.

Deri në pjesën e dytë ai nuk kishte realizuar ndonjë prekje të rëndësishme, megjithatë edhe shansi i vetëm që pati në fraksionin e dytë u mohua për shkak të pozitës jashtë loje.

Në total, Egjipti regjistroi vetëm katër goditje drejt portës, kundrejt 15 të Nigerisë, nga të cilat dy sosh ishin brenda kuadratit.

Në raundin e dytë të Grupit D, Nigeria do të përballet me Sudanin, kurse Egjipti luan përballë Guinea-Bissau. /Telegrafi/

IHEANACHO TAKE A BOW 🇳🇬🦅 #AFCON2021 #LCFC https://t.co/bLVFyfUFlz

— John Meadows 🧤 (@johnmeadowss) January 11, 2022