Thaçi i përgjigjet Haxhiut: Ke zgjedhur njeriun e gabuar për luftë politike, ministrja ishte e njoftuar mandatin e kaluar për dhënien me qira të pronës

“Ministrja e Drejtësisë ka zgjedhur njeriun e gabuar për luftë politike. Unë jam profesionist dhe nuk merrem me politikë. Rasti për të cilin paska folur ministrja Haxhiu dhe zëvendësi i saj, është krejtësisht i pastër dhe i ligjshëm. Këtë e dëshmon dosja me dokumente zyrtare e ankandit publik. Për këtë proces, ministrja ka qenë e njoftuar në mandatin e kaluar dhe e cila ka pajtuar në parim për dhënien me qera të kësaj prone”, ka thënë Thaçi për Telegrafin.

Lexo po ashtu Zëvendësministri i Drejtësisë: Në dyshimet për keqpërdorime në SHKK janë përfshirë - Selim Selimi, Nehat Thaçi dhe një kompani private

Sipas tij, ky proces i nisur për të mirën e Shërbimit Korrektues ka rezultuar me përfitime për shërbimin në vlerë prej 500 mijë euro.

“Dje e kam takuar ministren Haxhiu e cila ka shprehur respekt për punën time dhe te arriturat e Shërbimit Korrektues, por ka thënë se është e detyruar që të dërgoj ne komision disiplinor. Kërkoj nga ajo qe këtë lëndë ta dërgoje në prokurori, ndryshe do ta bëjë unë. Po ashtu ftoj të gjithë gazetarët që ta marrin lëndën e ankandit dhe ta publikojnë në tërësi”, tha ai. /Telegrafi/