Statistika, analizë, formacionet e mundshme dhe parashikim: Man City – Man Utd

Manchester City dhe Manchester Unitedi do të luajnë mes vete në derbin e zjarrtë lokal të vlefshëm për javën e 28-të në Ligën Premier.

Vendi: Etihad Stadium

Koha: 17:30

Lajme rreth ekipeve

Man City

John Stones do të marr përsëri vendin e Aymeric Laporte nga skuadra që mundi Wolves 4-1 të martën.

Oleksandar Zinchenko shpreson të jetë pjesë e formacionit, por me shumë gjasë Kyle Walker mund të mbajë vendin e tij në krahë të mbrojtjes.

Gabriel Jesus shënoi dy herë në mesjavë, por edhe kjo mund të mos jetë e mjaftueshme për t’ia siguruar një vend në formacionin titullar.

Një Phil Foden i pushuar mirë duhet të kthehet prapë në formacion pasi të ketë menaxhuar vetëm 25 minuta në dy ndeshjet e fundit të Cityt.

Raheem Sterling është një titullar automatik, edhe pse rekordi i tij kundër Manchester United është jashtëzakonisht i dobët, duke lënë Riyad Mahrez dhe Bernardo Silva të luftojnë për vendin e fundit në sulm.

Pep Guardiola ka konfirmuar se Nathan Ake është përsëri në dispozicion për ekipin vendas.

Man Utd

Ole Gunnar Solskjaer ka konfirmuar se David de Gea është kthyer në Spanjë për lindjen e fëmijës së tij të parë, me Dean Henderson tani të vendosur për një vend titullari mes shtyllash.

Scott McTominay dhe Victor Lindelof do të kthehen në 11-shen startuese të dielën, ndërsa Daniel James ka të ngjarë të rimarrë vendin e tij titullar gjithashtu.

Paul Pogba, Phil Jones dhe Juan Mata janë jashtë, ndërsa Anthony Martial është në dyshim pas një dëmtimi të lehtë të gjurit të pësuar në trajnim të hënën.

Edinson Cavani mungon për Unitedin, me Anthony Martial, i cili është rikthyer në skuadër, ose Mason Greenwood që do të luajë në sulm.

Fakte

Man City ka fituar 15 ndeshjet e fundit në Ligën Premier.

Man Utd është i pamposhtur në 21 ndeshjet e fundit në udhëtim në Ligën Premier.

Man Utd ka shënuar barazim si në pjesën e parë ashtu edhe në fund të ndeshjen në 4 ndeshjet e fundit në udhëtim në Ligën Premier.

Man City ka pësuar nën 3 gola në 5 ndeshjet e fundit kundër Man Utd në të gjitha garat.

Man Utd ka mbajtur portën e paprekur në 5 nga 7 ndeshjet e fundit në udhëtim në Ligën Premier.

Kanë qenë nën 3 gola të shënuar në 6 nga 7 ndeshjet e fundit të Man Utd në udhëtim në Ligën Premier.

Ka pasur mbi 3 gola të shënuar në 5 nga 6 ndeshjet e fundit të Man City në Ligën Premier.

Man City ka shënuar të paktën 2 gola në 6 nga 7 ndeshjet e tyre të fundit në Ligën Premier.

Analizë

Manchester City është i pamposhtur në 28 ndeshje në të gjitha garat. Ata kanë mundësi të zgjasin epërsinë e tyre në krye të tabelës në 17 pikë të dielën.

Manchester United tani ka barazuar tre ndeshjet e fundit me rezultat 0-0 në të gjitha garat. Kjo është një formë që nuk doni ta keni në një derbi kundër një skuadre që aktualisht duket e pamposhtur. Është e vështirë të shohësh skuadrën e Ole Gunnar Solskjaer duke shënuar, e lëre më të sfidojë për pikë në Etihad.

Formacionet e mundshme

Parashikim: Man City 2-0 Man Utd

/Telegrafi/