Zidane dëshiron shitjen e ‘70 për qind’ të skuadrës nëse mbetet te Real Madridi, yje si Hazard dhe Kroos rrezikojnë largimin

Mediat spanjolle kanë zbuluar se trajneri i Real Madridit, Zinedine Zidane, është i lodhur nga paraqitjet e dobëta të shumicës prej lojtarëve të tij.

Humbja në Shakhtar Donestk natën e kaluar ka zbehur shpresat e Realit për t’u kualifikuar nga grupi i tyre i Ligës së Kampionëve dhe kjo shkaktoi spekulime se Zidanes do t’i tregohej dera.

Sidoqoftë, gazeta Sport raporton se Zidane nuk po mendon të humbasë punën e tij dhe përkundrazi planifikon të bëjë presion për një pastrim të madh nga janari i vitit 2021.

Lexo po ashtu Nëse Zidane largohet, Real Madridi ka dy opsione gati – Pochettino kryeson, Raul alternativë

Zidane ka humbur besimin te lojtarët e tij si belgu Eden Hazard ose Martin Odegaard i kthyer së fundmi.

Dyshja braziliane, Vinicius Junior dhe Rodrygo Goes gjithashtu e kanë lënë trajnerin francez të hutuar.

Zidane gjithashtu po lodhet me qëndrimin e disa lojtarëve. Dhe në këtë grup janë emra yjesh si braziliani Marcelo dhe gjermani Toni Kroos, ndërsa nuk mungojnë as emrat e Iscos dhe Marco Asensios.

Lexo po ashtu Zidane: Nuk jap dorëheqje

Në të vërtetë, nëse do të jepej pushteti i plotë, Zidane do të spastronte 70 për qind të skuadrës së tij aktuale.

Trajneri i Realit beson dhe mund të llogarisë vetëm te Sergio Ramos, Raphael Varane, Ferlan Mendy, Casemiro, Federico Valverde dhe Karim Benzema. /Telegrafi/