Në një intervistë për emisionin “Përballje” në Telegrafi.com, Rexhep Selimi, shef i Grupit parlamentar të Lëvizjes Vetëvendosje ka treguar se pse kjo parti ka kërkuar interpelancë ndaj kryeministrit Avdullah Hoti.
Selimi në intervistë me kryredaktorin Muhamet Hajrullahu, ka thënë se marrëveshja e nënshkruar nga Hoti në Washington është e dëmshme dhe se ai duhet të tregoj se çka ka përfituar Kosova dhe çka ka humbur Serbia.
Ai ka thënë se Qeveria Hoti me nënshkrimin e kësaj marrëveshje i ka bërë dëm shtetësisë së Kosovë, duke diskutuar edhe për çështje të brendshme me Serbinë.
Selimi ka thënë se shqetësimet e tyre rreth shkuarjes së delegacionit në Washington kanë rezultuar të drejta.
“Ajo çfarë ndodhi në Washington ndonjëherë nuk po interpretohet drejt, e ndonjëherë edhe po keqinterpretohet. Ajo çfarë tash është evidente është se ne atje nuk kishim një marrëveshje me Serbinë, por kishim të nënshkruar një dokument me zotimet e Hotit, të cilat zotime jo që janë vetëm të padrejta por edhe të dëmshme nëse do të realizohen”, ka thënë ai.
Selimi pohoi se në Washington janë diskutuar çështje që nuk është dashtë të diskutohen.
“Nuk pamë diçka të mirë, por vetëm të rrezikshme, p.sh çështja e Ujmanit. I rrezikshëm ishte qasja e kryeministrit Hoti për kufijtë, pra vuri nënshkrimin në mosnjohjen e kufijve ndërshtetërorë mes Kosovës dhe Serbisë”, potencoi ai.
Nga marrëveshja e arritur më 4 shtator në Shtëpinë e Bardhë, Selimi thotë se Kosova nuk ka përfituar, por vetëm Serbia.
Sa i përket kritikave që janë bërë në drejtim të Lëvizjes Vetëvendosje, për mos guxim për të udhëhequr dialogun, Selimi thotë se nuk kanë guxim për të dëmtuar vendin.
“Le të na kritikojnë për mos guxim për të dëmtuar Kosovën, ne e vërtetë që nuk kemi guxim për të dëmtuar Kosovën. Ata e kanë dëmtuar Kosovën. Në radhë të parë Ujmanit i kanë dhënë një status që kurrë nuk e ka pasur. As në kohën e Jugosllavisë Ujmani nuk ka qenë aset i përbashkët i Kosovës dhe Serbisë. Po ashtu, i kanë dhënë një karakter kufirit mes Kosovës dhe Serbisë, që nuk është në përputhje me Kushtetutën”.
“Trimëri nuk quhet me dëmtu vendin, jo vetëm nga Hoti por kam dëgjuar edhe me herët nga Thaçi që duhet guxim që të përballemi. Çdo qeveri duhet të ketë frikë kur i bënë dëm vendit, duhet të ketë frikë nga qytetarët. Është shkelje e Kushtetutës nëse zhbëhet kufiri. Në raport me Serbinë, Qeveria ilegjitime ka bërë një veprim paraprak që na lënë të kuptojmë se cila është qasja e tyre, ata kanë hequr nga reciprociteti me Serbinë”.
Selimi gjatë emisionit ka folur edhe për 100 ditëshin e qeverisë Hoti, duke kritikuar atë për mosmenaxhim të situatës me pandeminë dhe duke e vlerësuar si jo legjitime. Gjithashtu, shefi i Grupit parlamentar të LVV-së ka treguar çka pritet të ndodhë me mocionin për rrëzimin e Qeverisë Hoti dhe për votat që Partia Demokratike e Kosovës mund t’i jep për rrëzimin e Qeverisë. /Telegrafi/
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Dëshmitari thotë se i akuzuari për krime lufte në Vushtrri e kishte goditur me armë në fytyrë
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
Policia shkatërron edhe një laborator tjetër të drogës në Leposaviq
Anëtarësimi në KiE është me “qejf”, thotë Ymeri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?