Pas takimeve të presidentit Hashim Thaçi me liderë të partive politike në Kosovë, në kërkim të koordinimit për formim të qeverisë, profesori dhe njohësi i Kushtetutës, Riza Smaka ka thënë se vetëm partia fituese ka të drejtën të propozojë mandatarin e ri për të formuar ekzekutivin.
Smaka nuk pajtohet me veprimet e presidentit për të ftuar partitë në konsultim, meqë sipas tij, Kushtetuta e përcakton qartë se si duhet vepruar tutje pas votimit të mocionit të mosbesimit.
Profesori Smaka thotë se meqë Kuvendi nuk është shpërnda por presidenti është përcaktuar për zgjedhje të qeverisë, atëherë kjo duhet të bëhet në harmoni me nenin 95, ku ftohet partia e parë fituese që të propozojë mandatarin e qeverisë.
“Sipas nenit 82 paragrafi 2, presidenti i vendit ka autorizim diskrecional për ta shpërbërë Kuvendin, për t’i shpallë zgjedhjet. Ai këtë nuk e ka bërë, që është e drejtë diskrecionale e tij, që nuk është obligative, varet nga rrethanat. Ai është përcaktuar për zgjedhjen e qeverisë, tash qeveria duhet të zgjidhet në harmoni me nenin 95 paragrafi 5 të Kushtetutës, sipas së cilës dispozitë, presidenti e thirr përfaqësuesin e partisë politike, në këtë rast Lëvizjes Vetëvendosje për ta propozuar kandidatin apo kandidaten për mandatarë, apo mandare të qeverisë, ky është obligimi i presidentit. Nuk e di pse po i thirr ai tjerët, Isa Mustafën e të tjerët, kur subjekt politik fitimtar është Vetëvendosje”, thotë profesori Riza Smaka, raporton KP.
Tutje, ai sqaron afatet kushtetuese pas caktimit të kandidatit për mandatar të qeverisë.
“Prej momentit kur e cakton kandidatin për mandatar atëherë i ka 15 ditë për ta propozuar formimin e qeverisë. Nëse do të dështonte, prapë do të duhej që Lëvizja Vetëvendosje të propozojë kandidatin e vet, atëherë do t’i kishte afat dhjetë ditë. Nëse do të dështonte, tek atëherë presidenti duhet t’i shpallë zgjedhjet”, shton Smaka.
Profesori Riza Smaka thotë se presidenti është i obliguar të respektojë Kushtetutën.
Ai thotë se qeveria Kurti është në dorëheqje dhe si e tillë duhet t’i ushtrojë funksionet e saj deri në zgjedhjen e qeverisë së re.
Sipas tij, duhet të veprohet dhe të përfillet dispozita e nenit 95, paragrafi 1, 2, 3 dhe 4 i Kushtetutës, duke theksuar se nëse në dy raundet Lëvizja Vetëvendosje dështon të formojë qeverinë, atëherë presidenti t’i shpallë zgjedhjet e parakohshme.
Aktualisht qeveria Kurti konsiderohet qeveri në detyrë, meqë Kuvendi i Kosovës i’a mori besimin me dy të tretat e deputetëve të cilët votuan pro mocionit të mosbesimit më 25 mars.
Mocioni i mosbesimit u iniciua nga vet partneri I koalicionit, LDK, dhe u mbështet nga partitë opozitare.
Tani, presidenti i vendit, Hashim Thaç i ka filluar të mbajë takime, ndaras, me të gjithë liderët e partive politike parlamentare, për të diskutuar pas rrëzimittë qeverisë.
Pas takimit, lideri i Lëvizjes Vetëvendosje, Albin Kurti i cili udhëheq me ekzekutivin, tha se pas mocionit të mosbesimit vendi duhet të shkojë në zgjedhje të reja.
Kurti theksoi se me presidentin mund të takohet e të bisedojë vetëm për temën e koronavirusit dhe shpërndarjen e Kuvendit, ndërsa çështje të tjera vetëm me shkrim.
Thaçi takoi pastaj kryetarin e LDK-së, Isa Mustafa i cili tha se nuk është koha për zgjedhje por për një qeveri të re e cila do të vazhdonte luftën ndaj koronavirusit.
Gjithashtu, në takim u prit edhe kryetari i PDK-së, Kadri Veseli, i cili theksoi se qëndrimi i kësaj parti është të jetë në opozitë, por që sipas tij, për shkak të pandemisë tani nuk është koha për zgjedhje të reja.
Thaçi nesër do të vazhdojë takime të ndara me kryetari n e AAK-së, Ramush Haradinajn, atë të Nismës Socialdemokrate, Fatmir Limaj, Listen Serbe dhe 6+./Telegrafi/
Promo
Reklamo këtuLufta Prigozhin - Putin
Më shumëRrebeshe shiu e breshëri sot në Kosovë
NYT: Grenelli i kishte propozuar Trumpit ta vizitonte Thaçin në Hagë, por ai refuzoi
Raporti zyrtar: KFOR-i e negocioi largimin e terroristëve nga Banjska
Si e menaxhoi Qeveria e Kosovës sulmin kibernetik që erdhi nga Rusia?
Kush është Enver Sekiraqa i cilësuar si “gangsteri” i Prishtinës?
Asambleja Parlamentare e NATO-s thirrje për shtim të bashkëpunimit me partnerët demokratikë në Ballkanin Perëndimor
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shpërthejnë komentet negative, menjëherë pas eliminimit të Meriton Mjekiqit nga gara
Fjalët e para të Toni Kroos pasi luajti ndeshjen e tij të fundit në “Santiago Bernabeu”
Finalja e BBVA 3, Heidi Baci elimohet - Julian Deda vazhdon përpara me Eglën dhe Romeon
Si e menaxhoi Qeveria e Kosovës sulmin kibernetik që erdhi nga Rusia?
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale
NYT: Grenelli i kishte propozuar Trumpit ta vizitonte Thaçin në Hagë, por ai refuzoi