Lautaro flet për të gjitha – nga Interi, te Conte, Lukaku, Messi dhe Icardi

Lautaro Martinez ka siguruar se është i lumtur në Inter dhe zbuloi se si fëmijëria e tij e jo-komode e bëri atë më të përulur.

Barcelona ka qenë e lidhur shumë me nënshkrimin e Martinez për të zëvendësuar Luis Suarezin, por spekulimet e bëjnë argjentinasin të ndjehet sikur po bën diçka të mirë.

“Jam i lumtur këtu, është shtëpia ime dhe i besoj Contes”, ka thënë fillimisht 22-vjeçari për gazetës La Repubblica.

“Interesi nga klubet e tjera do të thotë që unë po zhvillohem dhe po punoj në mënyrën e duhur. Kjo është gjëja më e rëndësishme për mua”.

Lexo po ashtu Barcelona e bindur nga Lautaro, do të provojë me të gjitha forcat transferimin e tij

“Interi është shtëpia ime. Unë do të jem gjithmonë mirënjohës ndaj Interit, të cilët po më ndihmojnë të rritem”.

“Refuzova ofertat e tjera. Zgjodha këtë klub për historinë e tij, nivelin e lojtarëve dhe dashurinë e tifozëve”.

“Kam jetuar gjatë një fëmijërie jo-komode. E bëra për shkak të prindërve të mi. Babai im luajti futboll kur ishte i ri dhe e kaloi pasionin e tij tek unë dhe vëllezërit e mi”.

“Nuk kishte para, por gjithnjë kishim një pjatë në tryezë dhe një top”.

“Të kesh një përvojë si kjo të forcon, të ndihmon të mbash këmbët në tokë dhe të qëndrosh i përulur. Në këtë kuptim, ne jemi të ngjashëm me Lukakun”.

Lexo po ashtu Lautaro: Interi është shtëpia ime, dua të tregoj se jam i denjë për këtë fanellë

Sulmuesi diskutoi se si ishte të punonte nën urdhrat e Antonio Contes, i cili njihet për metodat e tij kërkuese.

“Seancat e tij stërvitore janë shumë të vështira, por është thelbësore kur luani pesë ndeshje në dy javë. Ne u njohëm me njëri-tjetrin shumë shpejt, vlerësoj pasionin e tij për futbollin”.

“Para ndeshjes në Camp Nou kundër Barcelonës, ​​ai më tha një fjali që e bëri lojën time të shpërthejë. Do të jem gjithmonë mirënjohës. Ato ishin fjalë të çmuara që i mbaj në vete dhe që ishin vetëm për mua”.

Më në fund, Martinez shprehu admirimin e tij për Lionel Messi dhe pse i mbeti mirënjohës ish-shokut të skuadrës Mauro Icardi.

“Messi është si Diego Maradona për ne, unë do të doja ta ndihmoja atë dhe Argjentinën për të fituar Kupën e Botës. Të luaj në atë turne është ëndrra ime”.

“Kur erdha këtu, Mauro Icardi me ndihmoi vërtet të adaptohem. Ne vazhdojmë të jemi në kontakt, ne jemi miq dhe ai është i lumtur”, përfundoi Lautaro. /Telegrafi/