Lidhja Demokratike e Kosovës dhe Lëvizja Vetëvendosje iniciativën për rrëzimin e Qeverisë Haradinaj e filluan me mbledhjen e nënshkrimeve për mocionin e mosbesimit, për të vazhduar me takime të ndryshme. Mirëpo, ende nuk është arritur një marrëveshje politike mes tyre.
Ndonëse u panë bashkë në takime të shumta, kreu i LDK-së, Isa Mustafa dhe ai i LVV-së, Albin Kurti, ende nuk kanë arritur të vendosin nëse do të bëjnë koalicion parazgjedhor, ani pse në deklaratat e tyre pas takimeve thuhej se janë duke folur për programet zgjedhore që kanë këto parti.
Njohësi i zhvillimeve politike Vigan Qorrolli, ka përmendur tri elemente që sipas tij Lidhja Demokratike e Kosovës dhe Lëvizja Vetëvendosje nuk mund të kenë bashkëpunim mes vete.
Qorrolli në televizionin Dukagjini ka thënë se janë tri elemente kyqe që i ndajnë këto parti.
“E para është rivaliteti i tyre i hershëm politik, pasi që zoti Albin Kurti ka qenë në krye të dinamikës politike dhe mposhtëz i zotit Mustafa në krye të komunës së Prishtinës. Pra Kurti ka qenë një lloj hisedari politik i fitores së Shpend Ahmetit në krye të komunës së Pirshtinës. Ky lloj inercioni politik dhe kjo lloj kataklizme politike nuk harrohet lehtë sidomos nga një politikan i rryer me përvojë siç është zoti Mustafa, dhe ai nuk ia fal siç thotë populli dakikun për këtë gjë.
E dyta është kandidatura për kryeministër. E dini mënyra e zgjedhjes së zotit Isa Mustafa në krye të LDK-së ka treguar që ai është një politikan i pjekur dhe shumë i ftohtë, dhe jo emocional siç janë disa liderë të partive tjera. Kjo pasi që ai e ka pritur deri në momentin e fundit konsensualitetin rreth figurës së tij për t’u rizgjedhur në krye të LDK-së. Tani meqenëse e ka fituar LDK-në, ai kërkon që një emër i dalë vetëm nga goja e tij të jetë kandidatë i LDK-së për kryeministër. Ka gjashtë kandidatura brenda LDK-së që kanë aspirata dhe luftë të ashpër brenda vetës për t’u bërë kandidatë për kryeministër, dhe kjo është sigurisht një lloj karremi mes LDK-së dhe Vetëvendosjes”, ka thënë ai përcjell Telegrafi.
Ndër të tjera Qorrolli ka thënë se elementi i tretë është edhe pazari që LDK ka gjasa të bëjë me PDK-në.
“Sipas të gjitha sondazheve LVV dhe LDK prijnë në opinionin publik për të dal i pari. Kështu që ka një lloj rivaliteti në start të fushatës për t’i bërë ball njëra tjetrës. Prandaj edhe elementi i tretë që i përqanë më së shumti ata është se përmes tyre mund të jetë një parti që ka qeverisur këto 11 vite, dhe është PDK. Ju nuk do ta besoni por PDK është karrem i fortë për LDK-në sepse këta kanë bashkqeverisur, dhe zoti Isa Mustafa po pret të shkojë vetëm në zgjedhje, të mos e përfshijë LVV-në, sepse ai nuk e ka fshehur asnjëherë ambicjen e tij për President të Republikës. Tashmë ata nuk janë të gatshëm për t’i ndarë postet si me thikë pra tri pozitat kryesore shtetërore për t’i ndarë në koalicionet parazgjedhore. Por, Mustafa pret që përfundimi i mandatit të Presidentit Thaçi ta fus atë në një pazar të ri. Prandaj, PDK, meqenëse e udhëheq Thaçi Presidencën, pra do të futet në pazar. Është një lloj matematike që mund të zbërthehet më tutje. Mirëpo cilado Qeveri që do të dalë nga zgjedhjet, do ta ketë vetëm një detyrë. Nuk do ta ketë as luftën kundër korrupsionit, as zhvillimin ekonomik, por do ta ketë vetëm dialogun me Serbinë”, ka thënë ai.
Ndryshe, Mustafa këto ditë është takuar edhe me kryetarin e Nismës, Fatmir Limaj, si dhe me kryetarin e PSD-së, Shpend Ahmeti, me të cilët ka biseduar për situatën aktuale në vend.
Kujtojmë se edhe dy ditë kanë mbetur deri në mbajtjen e seancës për shpërndarjen e Kuvendit./Telegrafi/
Promo
Reklamo këtuLufta Prigozhin - Putin
Më shumëNga Rubrika
Fronti Europian për raundin e dytë të zgjedhjeve presidenciale: Qytetarët të vendosin vet se si do të shfrytëzojnë të drejtën e votës
‘Çmontohet’ rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
AAK mbushi 24 vjet, Haradinaj: Të bëhemi bashkë që ta ndalim degradimin e Kosovës, varfërimin e saj dhe zbrazjen e saj
Parlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Hapi i fundit i Kosovës për anëtarësim në KiE, Serwer : Indinjata e Serbisë është e turpshme
"Kushtëzimi" i anëtarësimit të Kosovës në KiE, Musliu-Shoshi: Ndërkombëtarët nuk po kërkojnë asgjë çka nuk është dakorduar Kurti në marrëveshjen e Ohrit
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit