Aleanca Kosova e Re (AKR), është shprehur e gatshme për zgjedhjet e parakohshme parlamentare, që pritet të mbahen pas dorëheqjes së kryeministrit të Kosovës, Ramush Haradinaj.
Sekretari i Përgjithshëm i AKR-së, Vesel Makolli, ka thënë për Telegrafin se sa i përket zgjedhjeve, kjo situatë nuk i ka gjetur aspak në befasi dhe se që dy vite kanë punuar normalisht.
“Neve na ka befasuar dorëheqja e pa paralajmëruar e kryeministrit Ramush Haradinaj, për zgjedhje nuk e kemi problem. Mendojmë që të shkojmë të vetëm në zgjedhje sepse kemi potencial, dhe kemi njeriun që është më meritori që në zgjedhjet e ardhshme të jetë kryeministër, ai është Behgjet Pacolli”, ka thënë Makolli për Telegrafin.
Ndër të tjera, Makolli tha se kryetari i AKR-së, Behgjet Pacolli, ka programin më të mirë ekonomik.
“Sikur të mundte Pacolli ta aplikonte programin e tij, sigurisht që nuk do të ndodhte shpërngulja e djemve të ri e vajzave të reja nga Kosova, nuk po them që do ta ndalte 100 për qind, por për 50 për qind do të ndodhte. Krijimi i vendeve të punës do të jepte mundësi që të fillojnë jetën këtu dhe të mos ia mësyjnë perëndimit, sepse i gjithë problemi qëndron tek zhvillimi ekonomik”, ka shtuar ai.
Makolli pohoi se në zgjedhjet e parakohshme mendojnë të shkojnë të vetëm, por varësisht se si do të rrjedhin gjërat do të shohin se me cilën parti do të mund të bashkëpunojnë.
“Në zgjedhjet e fundit kemi qenë në mesin e dy blloqeve të mëdha, por nëse shkohet sërish në atë drejtim, edhe ne do të shikojmë së më kë mund të bashkëpunojmë dhe me kë kemi program më të përafërt”, potencoi ai.
Sekretari i Përgjithshëm i AKR-së, tha se nuk kanë vija të kuqe për askënd, por për disa parti kanë më shumë simpati e për disa më pak.
Të gatshme për të shkuar në zgjedhje të parakohshme, janë deklaruar edhe partitë tjera politike në vend.
Tri partitë që aktualisht janë në koalicionin qeverisës, Aleanca për Ardhmërinë e Kosovës, Partia Demokratike e Kosovës dhe Nisma Socialdemokrate, kanë thënë se nuk kanë vija të kuqe për ndonjë parti, por që në zgjedhje preferojnë të shkojnë të vetme.
Gjithashtu, partitë opozitare, Lidhja Demokratike e Kosovës, ka dhënë qëndrimin e tyre për koalicionet parazgjedhore. Nga kjo parti kanë deklaruar se garës duan t’i hyjnë të vetëm.
Ndërsa, partia tjetër në opozitë, Vetëvendosje, ka bërë të ditur se janë në bisedime për një koalicion të mundshëm me Lidhjen Demokratike të Kosovës, teksa kanë shtuar se kanë vija të kuqe për Partinë Demokratike të Kosovës.
Për PDK-në vija të kuqe kanë thënë se do të kenë edhe Partia Socialdemokrate, ndërsa për partitë tjera janë të hapura për koalicione.
Ndërkaq, Ilir Deda nga Alternativa ka propozuar që të gjitha partitë në opozitë të bashkohen dhe të garojnë me një listë të përbashkët. /Telegrafi/
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Kurti publikon statistikat: Serbia po propagandon për dhunën ndaj serbëve në Kosovë
Ymeri: Mos pranimi i Kosovës në KiE është dështim i Qeverisë Kurti
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'